ნინო ლომჯარია - ჩვენ გვინახავს, როგორ მოქმედებს პოლიცია სხვა აქციების შემთხვევაში, როცა მიიჩნევს, რომ ძალადობას აქვს ადგილი - დღეს ჩვენ ვერ დავინახეთ პრევენციულად გადადგმული ნაბიჯები

სახალხო დამცველი ნინო ლომჯარია „თბილისი პრაიდის“ დროს მომხდარ დაპირისპირებაზე პასუხისმგებლობას ხელისუფლებას და სამართალდამცავ უწყებას აკისრებს. მისი შეფასებით, სახელმწიფოს არ გადაუდგამს პრევენციული ნაბიჯები იმისთვის, რომ მოქალაქეების უსაფრთხოება დაცული ყოფილიყო.

გარდა ამისა, ნინო ლომჯარიას თქმით, აქციის მონაწილეები ძალადობდნენ პოლიციელებზეც და მათ ზოგიერთ შემთხვევაში, არ ჰქონდათ საშუალება, მოქალაქეები და ჟურნალისტები დაეცვათ.

„ჩვენ გვინახავს, როგორ მოქმედებს პოლიცია სხვა აქციების შემთხვევაში, როდესაც პოლიცია მიიჩნევს, რომ ძალადობას აქვს ადგილი. ასევე გვინახავს, როგორ ზღუდავს პოლიცია გადაადგილების შესაძლებლობას, როდესაც ის თვლის, რომ გადაადგილებამ შეიძლება გამოიწვიოს დაპირისპირება კონკრეტულ ჯგუფებს შორის. სამწუხაროდ, დღეს ჩვენ ვერ დავინახეთ პრევენციულად გადადგმული ნაბიჯები და რეალურად, მოხდა ის, რომ ძალადობრივი ჯფუფები მივიდნენ ყველა იმ ადგილას, სადაც შესაძლებელია ყოფილიყვნენ „პრაიდის“ მხარდამჭერები, ორგანიზატორები, სამოქალაქო აქტივისტები თუ ჟურნალისტები.

გარდა ამის, რა თქმა უნდა, პოლიციას ჰყავს შესაბამისი სპეციალური ძალები, ჩვენ არამც და არამც არ ვამბობთ, რომ ძალა უნდა გამოყენებულიყო და ძალის არაპროპრციულ გამოყენებაზე არაფერს ვამბობ, მაგრამ რეალურად, ვერ დავინახეთ, რომ სახელმწიფომ გამოიყენა ყველა პრევენციული ძალა, რომ მშვიდობიანი მოქალაქეების წინააღმდეგ მსგავსი მოვლენები არ განვითარებულიყო, მათ შორის, როგორც ჩვენთვის არის ცნობილი, დაუცველი იყო პოლიციაც, ძალადობდნენ პოლიციელებზეც და ადგილზე მყოფი პოლიციელები ვერ ახერხებდნენ დაეცვათ ჟურნალისტებისა და მოქალაქეების ფიზიკური უსაფრთხოება“, - განაცხადა ლომჯარიამ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა