მიხეილ სარჯველაძის განცხადებით, მოსამართლეთა შერჩევის პროცესი არ უნდა შეჩერებულიყო, რადგან საკასაციო სასამართლოში მოსამართლეების მწვავე საჭიროებაა

პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის განცხადებით, უზენაესი სასამართლოს მოსამართლეთა შერჩევის პროცესი არ უნდა შეჩერებულიყო, რადგან საკასაციო სასამართლოში მოსამართლეების მწვავე საჭიროება დგას.

როგორც სარჯველაძემ ჟურნალისტებს ეუთო/ოდირის შუალედური ანგარიშის შეფასებისას განუცხადა, ანგარიშში საუბარია ფორმალური საფუძვლის შექმნაზე და არა იმაზე რომ პროცესის შეჩერების საფუძველი ახლა არსებობს.

"გასაუბრებების პროცესში გამოჩნდა, რომ უზენაეს სასამართლოში მოსამართლეების არჩევა მწვავე საჭიროებაა და ამაზე რეაგირება საჭიროა. შესაბამისად, არ ვფიქრობ, რომ გასაზიარებელია მოსაზრება, რომლის მიხედვითაც, პროცესი გინდა თუ არა, უნდა შეჩერებულიყო, პირიქით. ამ ანგარიშში საუბარია ფორმალური საფუძვლის შექმნაზე და არა იმაზე, რომ პროცესის შეჩერების საფუძველი ახლა არსებობს",- განაცხადა სარჯველაძემ.

„ამ დრომდე რა დასკვნებასაც ვიცნობ, ზოგიერთ შემთხვევაში შეიძლება ეს ახდენდეს ჩემს მომავალ გადაწყვეტილებაზე გავლენას, ზოგიერთი - არა, რადგან შეიძლება არ ვეთანმხმებოდე. საბოლოოდ, ამ პროცესთან დაკავშირებით, ყველა რელევანტური ინფორმაცია, იქნება ეს საექსპერტო დასკვნები, ექსპერტების შეფასებები თუ ა.შ., რა თქმა უნდა, მონაწილეობს თავის მხრივ, ამ გადაწყვეტილების მიღების პროცესში.

რაც შეეხება უზენაესი სასამარლოს მოსამართლეთა შერჩევის პროცესს, ვფიქრობ, დატვირთული პროცესი იყო. პრაქტიკულად, სრულფასოვანი შესაძლებლობა იყო იმისთვის, რომ შეგვერჩია დამაკმაყოფილებელი და კარგი კანდიდატები, მათ შორის საუკეთესო კანდიდატების გამოვლინების თვალსაზრისით გვქონდა სრული შესაძლებლობა ეს ნიშნავს იმას, რომ პროცესი ინკლუზიური იყო“, - განაცხადა სარჯველაძემ.

შეგახსენებთ, რომ ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) მონიტორინგის მესამე ანგარიშში ნათქვამია, რომ 2021 წლის 19 აპრილს მმართველმა პარტიამ და ოპოზიციის ნაწილმა პარლამენტში ხელი მოაწერეს ევროკავშირის შუამავლობით მიღებულ შეთანხმებას, რომლის თანახმად, იღებდნენ ვალდებულებას ამ საკითხების განხილვამდე შეეჩერებინათ უზენაეს სასამართლოში ახალი მოსამართლეების წარდგენა. ამის მიუხედავად, პარლამენტმა ვერ უზრუნველყო ფორმალური სამართლებრივი საფუძვლის შექმნა იუსტიციის უმაღლესი საბჭოსთვის, რათა შეჩერებულიყო მოსამართლეთა დანიშვნის პროცესი ვაკანტურ ადგილებზე.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით