პარლამენტის იურიდიულ საკითხთა კომიტეტში 12 ივლისს უზენაესი სასამართლოს მოსამართლეობის კანდიდატებთან დაკავშირებით კენჭისყრა გაიმართება

პარლამენტის იურიდიულ საკითხთა კომიტეტის 12 ივლისის სხდომაზე უზენაესი სასამართლოს მოსამართლეობის კანდიდატებთან დაკავშირებით კენჭისყრა გაიმართება.

კომიტეტის წევრები მოსამართლეობის კანდიდატებთან დაკავშირებით საკუთარ გადაწყვეტილებას მიიღებენ. საბოლოოდ კი, უზენაესი სასამართლოს მოსამართლეობის კანდიდატებს პარლამენტის რიგგარეშე სესიის სხდომაზე კენჭი სათითაოდ ეყრება.

პარლამენტში უზენაესი სასამართლოს მოსამართლეობის ცხრა კანდიდატთან გასაუბრების პროცესი 6 ივლისს დაიწყო და 10 ივლისს დასრულდა.

“იურიდიულ საკითხთა კომიტეტში ძალიან მნიშვნელოვანი პროცესი წარიმართა, რომელიც მთელი კვირის განმავლობაში, უზენაესი სასამართლოს მოსამართლეობის კანდიდატებთან ინტერვიუების წარმართვას უკავშირდებოდა. ჩვენ პროცესი მაქსიმალური გამჭვირვალობით წარვმართეთ. მოვიწვიეთ ყველა დაინტერესებული სუბიექტი, ვინც კი შეიძლებოდა ამ პროცესში ჩართული ყოფილიყო - სახალხო დამცველი, ადვოკატთა ასოციაცია, იურიდიული დახმარების სამსახური, აკადემიური სფეროს და არასამთავრობო სექტორის წარმომადგენლები, რომელთაც ჰქონდათ სრული შესაძლებლობა მოსამართლეობის კანდიდატისთვის შეკითხვები დაესვათ. ძალიან მნიშვნელოვანია, რომ საზოგადოებას “ლაივ სტრიმის“ მეშვეობით პროცესისადმი უშუალო მონიტორინგის საშუალება ჰქონდა. მოქალაქეებს ასევე ჰქონდათ შესაძლებლობა კითხვით მოემართათ სხდომის თავმჯდომარისთვის, რომელსაც ასევე ვაჟღერებდით“, - განაცხადა იურიდიულ საკითხთა კომიტეტის თავმჯდომარემ ანრი ოხანაშვილმა.

25 ივნისს, იუსტიციის უმაღლესმა საბჭომ პარლამენტს ასარჩევად უზენაესი სასამართლოს მოსამართლეობის ცხრა კანდიდატი: გოჩა აბუსერიძე, გიორგი გოგიაშვილი, ლევან თევზაძე, ქეთევან მესხიშვილი, გიორგი შავლიაშვილი, რევაზ ნადარაია, ბიძინა სტურუა, ეკა ზარნაძე და ლაშა ქოჩიაშვილი წარუდგინა.

აღსანიშნავია, რომ მათთან გასაუბრების პროცესში მონაწოლეობა არ მიუღია საპარლამენტო ოპოზიციის ნაწილს და სახალხო დამცველის აპარატს.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა