ცესკო-ს თავმჯდომარის კანდიდატურას ნიშნავენ, როგორც ჩანს, ისევ იმ პრინციპით, რომ ეს იყოს ადამიანი, რომელიც სარგებლობს მმართველი გუნდის სრული ნდობით ,- ამის შესახებ საპარლამენტო ფრაქცია „ლელო- პარტნიორობა საქართველოსთვის“ წევრმა სალომე სამადაშვილმა ჟურნალისტებთან განაცხადა.
როგორც მან აღნიშნა, ეს იქნება ხელიდან გაშვებული შანსი, რომ კონსენსუსით არჩეულიყო თავმჯდომარე.
"ვხედავთ, რომ ჩვენი დასავლელი პარტნიორები პირდაპირ აცხადებენ, რომ "ქართული ოცნება" არღვევს მიშელის შეთანხმებას, ამაზე ჩვენ საუბარი გვექნება ევროპული საბჭოს პრეზიდენტთან ხვალინდელ შეხვედრაზე. ეს არის დაკარგული შესაძლებლობა. ჩვენ მხარს დავუჭერთ ცესკო- ს წევრებს, რომლებიც არიან პროფესიონალი და სანდო კადრები, თავმჯდომარეს ჩვენ მხარს ვერ დავუჭერთ", - განაცხადა სამადაშვილმა.