ირაკლი ღარიბაშვილი - 1 მილიარდი ევროს ღირებულების უნიკალური მეგაპროექტი- ქუთაისის საერთაშორისო უნივერსიტეტი, ჭეშმარიტად ევროპული სასწავლებელია

სერიოზული, ამბიციური გეგმები გვაქვს განათლების მიმართულებით, ვაშენებთ სკოლებს. 8 წლის განმავლობაში 170-ზე მეტი ახალი სკოლა ავაშენეთ, 250 სკოლის რეაბილიტაცია განხორციელდა თანამედროვე, ევროპული სტანდარტის მიხედვით, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ქუთაისის მერობის კანდიდატის, იოსებ ხახალეიშვილის წარდგენისას განაცხადა.

მთავრობის მეთაურის თქმით, იგეგმება 800 სკოლის აღდგენა-რეაბილიტაცია თანამედროვე, ევროპული სტანდარტების მიხედვით, იმისთვის, რომ ბავშვებმა განათლება მიიღონ თანამედროვე სკოლებში.

„რა თქმა უნდა, ხარისხიანი განათლება არის გამოწვევა და ამ მიზნით, განათლების მინისტრი ჩხენკელი აქტიურად მუშაობს. არ შემიძლია, არ აღვნიშნო მართლაც მეგაპროექტი - ქუთაისის საერთაშორისო უნივერსიტეტი - პროექტი, რომელიც განახორციელა ბატონმა ბიძინა ივანიშვილმა, 1 მილიარდი ევროს ღირებულების უნიკალური პროექტი, ქუთაისის საერთაშორისო უნივერსიტეტი, რომელიც არის მიუნხენის ტექნოლოგიური უნივერსიტეტის პარტნიორი და მართლაც უნიკალური შესაძლებლობაა ჩვენი ახალგაზრდებისთვის. ეს არის ჭეშმარიტად ევროპული სასწავლებელი, რომელშიც ევროპული ხარისხის განათლებას მიიღებენ ჩვენი შვილები, ჩვენი მომავალი თაობა. ამ მეგაპროექტის გარშემო შეიქმნება მართლაც უნიკალური გარემო და რეალურად ჩვენს შვილებს მიეცემათ შესაძლებლობა, ადგილზე, აქვე, საქართველოში მიიღონ ევროპული ხარისხის და დონის განათლება“, - განაცხადა პრემიერ-მინისტრმა.

მთავრობის მეთაურმა ისაუბრა იმ ნაბიჯებზე, რომელთა გადადგმა პროფესიული სასწავლებლების განვითარების მიმართულებით იგეგმება.

„გვაქვს გეგმა, რომ ყველა მუნიციპალიტეტში ავაშენოთ პროფესიული სასწავლებლები, მოვიწვიოთ უცხოელი სპეციალისტები იმისთვის, რომ ადგილზე შეეძლოთ ჩვენს ახალგაზრდებს პროფესიული უნარების შეძენა, სპეციალობების დაუფლება. რა თქმა უნდა, ეს ყველაფერი, ძვირფასო მეგობრებო, საჭიროებს გრძელვადიან სტაბილურობას“, - აღნიშნა ირაკლი ღარიბაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა