ირაკლი ღარიბაშვილი - მთავრობამ შეიმუშავა ათწლიანი განვითარების გეგმა, რომელიც ზუსტად პასუხობს სიღარიბის დაძლევას და უმუშევრობის პრობლემის მოგვარებას, მეტი სამუშაო ადგილების შექმნას

კასპის მუნიციპალიტეტში ძალიან ბევრი პროექტი განხორციელდა ბოლო 8 წლის განმავლობაში, იქნებოდა ეს გზებისა და ინფრასტრუქტურის მოწესრიგება, წყალგაყვანილობა, მელიორაციის მასშტაბური სამუშაოები, გაზიფიცირება - ათეულობით სოფელს მივუყვანეთ გაზი, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ კასპის მერობის კანდიდატის, ვახტანგ მაისურაძის წარდგენისას განაცხადა.

მთავრობის მეთაურის თქმით, ძალიან ბევრი საწარმო დაფინანსდა, როგორც ახალი საწარმოები, ასევე ბევრი მოქმედი საწარმო გადაიარაღდა და ახალი სამუშაო ადგილები შეიქმნა.

„ჩვენ კარგად ვიცით, რომ ეს საკმარისი არ არის, საჭიროა მასშტაბების გაზრდა და მთელი ქვეყნის მასშტაბით გაათმაგებული ენერგიით და მოტივაციით სამუშაოების ჩატარება. სწორედ ამ მიზნით, ჩვენ გვაქვს კარგად გააზრებული გეგმა და ხედვები, რომელიც სწორედ ამ გამოწვევებს ეხმაურება და მორგებულია თითოეულ რეგიონზე, მუნიციპალიტეტზე. ჩვენს ქვეყანას აქვს უზარმაზარი პოტენციალი, რომელიც ჯერ კიდევ არ არის ათვისებული. მთავარი ამოცანა უნდა იყოს ამ რესურსების მაქსიმალურად გონივრულად ათვისება და გამოყენება. ჩემი დავალებით, მთავრობამ შეიმუშავა ათწლიანი განვითარების გეგმა, რომელიც ზუსტად პასუხობს სწორედ სიღარიბის დაძლევას და უმუშევრობის პრობლემის მოგვარებას, მეტი სამუშაო ადგილების შექმნას. თითოეულმა უწყებამ მკაფიოდ ჩამოაყალიბა სწორი განვითარების გეგმა, ხედვა, როგორ მოვაგვაროთ ეს პრობლემები ჩვენი მოსახლეობისთვის. ჩვენ თითოეულ მუნიციპალიტეტში გავაგრძელებთ სამუშაოებს ინფრასტრუქტურის მოწესრიგების მიმართულებით, მათ შორის ჩვენ დავიწყეთ ურბანული განახლების პროექტები აქტიურად და ამას გავაგრძელებთ, რათა ყველა ქალაქი და მუნიციპალიტეტი გარდავქმნათ რეალურად ევროპული ტიპის ქალაქებად. ჩვენ ვგეგმავთ მომდევნო წლების განმავლობაში ჯამურად მთავრობა და კერძო სექტორი ერთად, 2,5 მილიარდი ლარის ინვესტირებას ადგილობრივი წარმოების წახალისების მიზნით. ადგილობრივი წარმოება იყო ერთ-ერთი მთავარი პრიორიტეტი. სოფლის მეურნეობის მიმართულებითაც ძალიან ბევრი პროექტი განვახორციელეთ, რამდენიმე მილიარდი ლარის ინვესტიცია განხორციელდა, ძალიან ბევრი სამუშაო ადგილი შეიქმნა, ბევრი მიწა დამუშავდა და ახალი საწარმოები შეიქმნა. ჩვენ ახლა ვგეგმავთ 1300-მდე ახალი საწარმოს დაფინანსებას, მოვახდინეთ იმ დარგების იდენტიფიცირება, რომელიც უნდა დაფინანსდეს და წახალისდეს სახელმწიფოს ხელშეწყობით და მინიმუმ 100 ათასი ახალი სამუშაო ადგილის შექმნას ვვარაუდობთ მომდევნო 3-4 წლის განმავლობაში. სოფლის მეურნეობის მიმართულებით გვაქვს ძალიან მასშტაბური გეგმები. ბატონ ლევან დავითაშვილს აქვს ძალიან კარგად ჩამოყალიბებული ხედვა, თუ როგორ განვითარდეს სოფლის მეურნეობის დარგი, რომ არც ერთი გოჯი მიწა არ დარჩეს დაუმუშავებელი და ჩვენი ქვეყანა გახდეს რეალურად თვითუზრუნველყოფილი, თვითკმარი“, - აღნიშნა პრემიერ-მინისტრმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა