მიხეილ ხიდურელი - არაბთა გაერთიანებული საამიროების მსხვილ კორპორაციებთან შეხვედრების შედეგად გადაწყდა, რომ ოქტომბერში დელეგაციას საქართველოში ვუმასპინძლებთ

ეკონომიკისა და მდგრადი განვითარების მინისტრის, ნათია თურნავას ხელმძღვანელობით დუბაიში მსხვილი კორპორაციების წარმომადგენლებთან გამართული შეხვედრების შედეგად გადაწყდა, რომ ოქტომბერში საქართველოში ვუმასპინძლებთ ამ კორპორაციების დელეგაციებს და ადგილზე გავაცნობთ კონკრეტულ პროექტებსა და ტერიტორიებს, სადაც ინვესტიციების განხორციელების საშუალება ექნებათ, - ამის შესახებ სააგენტოს „აწარმოე საქართველოში“ დირექტორმა მიხეილ ხიდურელმა განაცხადა.

სააგენტოს - „აწარმოე საქართველოში“ ინფორმაციით, ნათია თურნავას ხელმძღვანელობით ქართული დელეგაცია არაბთა გაერთიანებულ საამიროებში რამდენიმედღიანი სამუშაო ვიზიტით იმყოფება. ვიზიტის ფარგლებში შეხვედრები გაიმართა ისეთ მსხვილ კორპორაციებთან, როგორებიცაა: „აბუ დაბის განვითარების ფონდი“, „მუბადალა“, „ლულუ გრუპ ინტერნეშენალი“, „დუბაი ჰოლდინგი“, „დუბაი ინვესტმენტი“, „დუბაის საინვესტიციო კორპორაცია“, „არმადა ჯგუფი“ და ADIA (Abu Dhabi Investment Authority).

„შეხვედრებზე საუბარი შეეხო საქართველოში ინვესტიციების განხორციელებას სხვადასხვა მიმართულებით, მათ შორის ძირითადად უძრავი ქონების, სასტუმროების, სტუმართ-მასპინძლობის ინდუსტრიის, შერეული კონცეფციის ტიპის სხვადასხვა კომპლექსების სექტორებში. სასიხარულოა, რომ უკვე ძალიან კონკრეტული მიღწევები გვაქვს და დაიგეგმა კონსულტანტებისა და კომპანიების დელეგაციების ვიზიტები, რომელთაც ოქტომბერში ვუმასპინძლებთ საქართველოში. ჩვენ მათ ადგილზე გავაცნობთ საქართველოს საინვესტიციო პოტენციალს და შევთავაზებთ კონკრეტულ ლოკაციებს და პროექტებს“, - აღიშნა მიხეილ ხიდურელმა.

სააგენტოს ცნობითვე, ეკონომიკისა და მდგრადი განვითარების მინისტრთან ერთად ქართულ დელეგაციაში იმყოფებიან ეკონომიკისა და მდგრადი განვითარების მინისტრის მოადგილე გენადი არველაძე, სააგენტოს „აწარმოე საქართველოში“ დირექტორი მიხეილ ხიდურელი და საინვესტიციო პოლიტიკისა და ინვესტირების მხარდაჭერის დეპარტამენტის უფროსი გიორგი ედილაშვილი.

შეხვედრებში ასევე მონაწილეობს საქართველოს საგანგებო და სრულუფლებიანი ელჩი არაბთა გაერთიანებულ საამიროებში პაატა კალანდაძე.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს