„მესამე ძალა სტრატეგია აღმაშენებლის" ისნის მაჟორიტარობის კანდიდატი საკრებულოში თეონა ჭალიძე, „ქართული ოცნების“ ისნის მაჟორიტარობის კანდიდატს კახაბერ ლაბუჩიძეს დებატებში იწვევს.

როგორც „ინტერპრესნიუსს“„მესამე ძალა სტრატეგია აღმაშენებლიდან“ აცნობეს, ჭალიძე ნებისმიერ დროს და ნებისმიერ ეთერში დებატებში მონაწილეობის მზადყოფნას გამოთქვამს.

„ისნის რაიონში ბევრი პრობლემაა რის მოგვარებასაც კონკრეტული გეგმა და სტრატეგია სჭირდება. წლებია აქ მნიშვნელოვანი ახალი პროექტი და პროგრამა არ განხორციელებულა. წინასაარჩევნოდ დებატებში მინდა გამოვიწვიო ისნის მაჟორიტარობის კანდიდატი „ქართული ოცნებიდან" კახაბერ ლაბუჩიძე. ვისაუბროთ საჯაროდ , რას ვგეგმავთ და მივცეთ საშუალება ამომრჩეველს შეაფასოს ვისი მუშაობა უფრო სასარგებლო იქნება საკრებულოში. არჩევანის გაკეთებაც უფრო მარტივი იქნება. მოვიქცეთ ისე, როგორც ეს მიღებულია თანამედროვე, დასავლურ ცივილიზებულ ქვეყნებში. ველი გამოხმაურებას", - აცხადებს თეონა ჭალიძე.