15:00 საათის მდგომარეობით, საქართველოს მასშტაბით საუბნო საარჩევნო კომისიებში შესულია 175 საჩივარი, - ამის შესახებ ცესკოს სპიკერმა ნათია იოსელიანმა ბრიფინგზე განაცხადა.

როგორც იოსელიანმა განმარტა, საჩივრების უმეტესობა ეხება პროცედურულ დარღვევებს და მოთხოვნილია კომისიების წევრების დისციპლინური პასუხისმგებლობის დაკისრება.

ცნობისთვის, 15:00 საათის მდგომარეობით, ამომრჩეველთა აქტივობამ საქართველოს მასშტაბით 33.18% შეადგინა, რაც რაოდენობრივად 1 მილიონ 160 413 ამომრჩეველია.