ადვოკატის ინფორმაციით, მიხეილ სააკაშვილმა შიმშილობის გამო უკვე 12 კილო დაიკლო

საქართველოს ყოფილი პრეზიდენტის, ადვოკატის, ბექა ბასილაიას განცხადებით, მიხეილ სააკაშვილმა შიმშილობის გამო 12 კილო დაიკლო.

როგორც ბასილაიამ ჟურნალისტებს რუსთავის მე-12 პენიტენციური დაწესებულების დატოვების შემდეგ განუცხადა, სააკაშვილის ჯანმრთელობის მდგომარეობა დღითიდღე უარესდება.

„ვიზუალურადაც რომ შეხედავთ, ჩანს, რომ ადამიანს დაკლებული აქვს. დაახლოებით 12 კილოზე მეტი დაიკლო, როგორც ვიცი. დღითიდღე მისი ჯანმრთელობის მდგომარეობა თანდათან დაიწყებს გაუარესებას, თუ უკვე გაუარესებული არ არის. მორალურად მხნედ არის“, - განაცხადა ბასილაიამ.

რაც შეეხება მოთხოვნას, რომ მიხეილ სააკაშვილი მისმა პირადმა ექიმმა შეამოწმოს, რასთან დაკავშირებითაც პენიტენციურ სამსახურს განცხადებით მიმართეს, როგორც ბასილაია ამბობს, ამ დრომდე პასუხი არ მიუღიათ.

ცნობისთვის, მიხეილ სააკაშვილი დაკავების შემდეგ, მე-8 დღეა შიმშილობს.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს