ფინანსთა მინისტრის პირველი მოადგილის ინფორმაციით, უმაღლესი განათლების კუთხით დაფინანსების ახალი მოდელი თითქმის მზად არის

ფინანსთა მინისტრის პირველი მოადგილის გიორგი კაკაურიძის ინფორმაციით, უმაღლესი განათლების კუთხით დაფინანსების ახალი მოდელი თითქმის მზად არის. როგორც კაკაურიძემ პარლამენტის განათლებისა და მეცნიერების კომიტეტის სხდომაზე, 2022 წლის სახელმწიფო ბიუჯეტის პროექტის წარდგენისას განაცხადა, მოდელი პროექტის დონეზე მზადაა და ბოლოშია მიყვანილი. მისივე თქმით, რაც არ უნდა მტკივნეული იყოს რიგი უმაღლესი სასწავლებლებისთვის, უმაღლესი განათლების დაფინანსების ახალი მოდელი მალე უნდა დაინერგოს.

„რა თქმა უნდა, ყველა მოდელს, რა მოდელიც არ უნდა შევარჩიოთ, მოწინააღმდეგე ეყოლება. იქნება გარკვეული ნაკლოვანებები, რაც ამ მოდელს სხვა მოდელთან შედარებით აქვს. რაც დღეს შემუშავებულია, საკმაოდ კარგი მოდელია, თუმცა აღნიშნული მოდელი რიგ უნივერსიტეტებში გარკვეულწილად რესურსების შემცირებას გამოიწვევს, რადგან უფრო მეტად შედეგებზე იქნება ორიენტირებული. ვისაც ნაკლები შედეგი ექნება, შეიძლება შემცირება გამოიწვიოს. ეს გადასადგმელი ნაბიჯია. უნდა არსებობდეს გარკვეული კონკურენცია“, - განაცხადა გიორგი კაკაურიძემ კომიტეტის სხდომაზე.

მისივე განმარტებით, დაფინანსების ახალ მოდელზე სრულად გადასვლა ერთ წელიწადში ვერ მოხდება, რადგან სასწავლო ციკლი 4-წლიანია და სტუდენტი, რომელმაც დაფინანსება ერთი მოდელით მიიღო, მას უნდა გაჰყვეს. კაკაურიძის ინფორმაციით, ახალ მოდელზე გადასვლა ახალი ნაკადებით ეტაპობრივად მოხდება.

„ფულად ზრდასთან ერთად, ეფექტიანობის ზრდაზეც ერთად უნდა ვიმუშაოთ. ახალ მოდელზე 2022 წლიდან გადასვლა ბიუჯეტის კუთხით შესაძლებელია. ამასთან, ძალიან არ ვეთანხმები მოდელს, რაც უფასო ფაკულტეტების პროგრამის სახით არსებობს. ვთვლი, რომ არაეფექტური ხარჯია, რაზეც აუდიტის სამსახურის არა ერთი რეკომენდაცია არსებობს. აღნიშნული თანხის გამოთავისუფლება კარგ ეფექტურობაში შეიძლება გადაიზარდოს იმ უნივერსიტეტებში, სადაც მეტი შედეგის მიღწევა იქნება შესაძლებელი“, - განაცხადა ფინანსთა მინისტრის პირველმა მოადგილემ.

უმაღლესი განათლების დაფინანსების ახალი მოდელის ამოქმედების თაობაზე თავად განათლებისა და მეცნიერების სამინისტროს წარმომადგენელმა აღნიშნა, რომ აქვთ მოლოდინი „2022 წლის ნაკადისთვის ახალ მოდელზე ვიფიქროთ“.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა