დავით ზალკალიანი უნგრეთის ელჩს შეხვდა

უნგრეთის ახლად დანიშნულმა ელჩმა ანა მარია შიკომ საქართველოს ვიცე-პრემიერს, საგარეო საქმეთა მინისტრს დავით ზალკალიანს რწმუნებათა სიგელების ასლები გადასცა, რის შემდგომაც გაცნობითი ხასიათის შეხვედრა გაიმართა. ამის შესახებ ინფორმაციას საგარეო საქმეთა სამინისტრო ავრცელებს.

უწყების ცნობით, მინისტრმა უნგრელ დიპლომატს ელჩის თანამდებობაზე დანიშვნა მიულოცა და საქართველოში სამომავლო საქმიანობაში წარმატებები უსურვა. „შეხვედრის ფარგლებში, ხაზი გაესვა საქართველოსა და უნგრეთს შორის არსებულ ტრადიციულად მეგობრულ ურთიერთობებს. კმაყოფილებით აღინიშნა, რომ ორი ქვეყნის კავშირები ინტენსიურად ვითარდება, რაც გამოიხატება როგორც ორმხრივი ვიზიტების ინტენსიურ დინამიკაში, ასევე წარმატებულ სექტორულ თანამშრომლობაში. ამასთან, დაფიქსირდა, რომ არსებობს ურთიერთობათა კიდევ მეტად გაღრმავების პოტენციალი სავაჭრო-ეკონომიკურ, ტურიზმის, სოფლის მეურნეობის, განათლების სფეროებში. შეხვედრისას ყურადღება დაეთმო საქართველოს ევროპულ და ევრო-ატლანტიკურ ინტეგრაციას. ამ მიმართებით, მინისტრმა მიმოიხილა საქართველოს პრიორიტეტები, ასევე დეტალურად ისაუბრა საქართველოს ოკუპირებულ რეგიონებში არსებულ მდგომარეობასა და პარტნიორთა მხარდაჭერის შემდგომი კონსოლიდაციის მნიშვნელობაზე.

ელჩმა, თავის მხრივ, დაადასტურა, რომ უნგრეთი კვლავაც აქტიურად გააგრძელებს მხარდაჭერას საქართველოს პრიორიტეტებისადმი. საუბრისას უნგრელმა დიპლომატმა დააფიქსირა მზაობა, ახალ პოსტზე საქმიანობისას, აქტიურად შეუწყოს ხელი საქართველოსა და უნგრეთს შორის ურთიერთობების შემდგომ გაღრმავებას“, -აღნიშნულია საგარეო საქმეთა სამინისტროს მიერ გავრცელებულ ინფორმაციაში.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს