ნატო-ს გენერალური მდივნის თანაშემწის მოადგილე პოლიტიკურ საკითხებსა და უსაფრთხოების პოლიტიკაში და კავკასიასა და ცენტრალურ აზიაში ჩრდილო-ატლანტიკური ალიანსის სპეციალური წარმომადგენელი ხავიერ კოლომინა საქართველოში დაგეგმილ ვიზიტთან დაკავშირებით განცხადებას ავრცელებს.

„მოუთმენლად ველოდები ჩემს პირველ მოგზაურობას კავკასიაში მომდევნო კვირას. აზერბაიჯანს, საქართველოსა და სომხეთს ახალ რანგში, როგორც კავკასიასა და ცენტრალურ აზიაში ნატო-ს სპეციალური წარმომადგენელი ვეწვევი, რათა განვსაზღვრო გზები კავკასიაში ნატო-ს ჩართულობის კიდევ უფრო გასაძლიერებლად,“- წერს ხავიერ კოლომინა.

შეგახსენებთ, ხავიერ კოლომინა კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის რანგში საქართველოს პირველი ვიზიტით 18-19 ოქტომბერს ეწვევა.