რუსთავის N12 პენიტენციურ დაწესებულებასთან მიხეილ სააკაშვილის მხარდასაჭერი მორიგი აქცია გაიმართა.
საპროტესტო აქცია მოძრაობა „მიშას თავისუფლებისთვის" წევრებმა გამართეს და მათ ექსპრეზიდენტის გათავისუფლება მოითხოვეს.
„ჩვენ პერმანენტულად ვაპროტესტებთ და ვმართავთ აქციებს მთელი ქვეყნის მასშტაბით მიხეილ სააკაშვილის მხარდასაჭერად და მისი გათავისუფლების მოთხოვნით. ბუნებრივია, სხვადასხვა ლოკაციაზე აქციების შემდეგ მოვდივართ პრეზიდენტის გასამხნევებლადაც იმისთვის, რათა ვუთხრათ, რომ მის გვერდით ვართ.
ის თავგანწირვა, რომელიც თავისი ქმედებით განახორციელა და გვაჩვენა, ჩვენგანაც მოითხოვს მაქსიმალურ თავგანწირვას, რათა დავიხსნათ კრემლის ტყვეობიდან", - აცხადებს აქციის ერთ-ერთი მონაწილე.