ბექა დავითულიანი მიხეილ სააკაშვილზე - არავინ არავის სასიკვდილოდ არ იმეტებს

არავინ არავის სასიკვდილოდ არ იმეტებს, - ამის შესახებ ჟურნალისტებთან მიხეილ სააკაშვილთან დაკავშირებით უმრავლესობის წევრმა ბექა დავითულიანმა განაცხადა.

მისი თქმით, პენიტენციურ სისტემაში ყველა პატიმრის, მათ შორის, მიხეილ სააკაშვილის უფლებები დაცულია.

"სააკაშვილს, როგორც პატიმარს, უფლება აქვს გამოაცხადოს შიმშილობა, პენიტენციურ სამსახურს აქვს პასუხისმგებლობა, რომ მისი ჯანმრთელობის მდგომარეობა აკონტროლოს. მისი ჯანმრთელობის მდგომარეობა ექიმების კონტროლის ქვეშ არის. შესაბამისად, პასუხისმგებლობას იღებს ეს ექიმთა ჯგუფი და პენიტენციური სისტემა, ყველაფერი დანარჩენი არის სპეკულაცია, რომელიც უკავშირდება პოლიტიკას და არჩევნებს,"- განაცხადა დავითულიანმა.

ის ასევე გამოეხმაურა გიორგი მარგველაშვილის განცხადებას, რომ სააკაშვილთან დაკავშირებით გარკვეული შუამავლის როლი შეუძლია იკისროს მოქმედ პრეზიდენტთან ერთად, რათა კრიზისი განიმუხტოს.

ბექა დავითულიანი აცხადებს, რომ მისი ეს განცხადება არასერიოზულია. "მოქმედი პრეზიდენტის პოზიცია თქვენთვის ცნობილია, ყოფილი პრეზიდენტის მარგველაშვილის პოზიციას რაც შეეხება, მას თავის დროზე შეეძლო სააკაშვილის შეწყალება თუ ამის სურვილი ჰქონდა და ახლა, როცა მას ეს პასუხისმგებლობა არ აქვს, არასერიოზულია მისი მხრიდან ეს საუბარი,"- განაცხადა დავითულიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს