საქართველოს მეოთხე პრეზიდენტის გიორგი მარგველაშვილის განცხადებით, მას მიხეილ სააკაშვილთან დაკავშირებით სალომე ზურაბიშვილთან კომუნიკაცია არ ჰქონია. ამის შესახებ გიორგი მარგველაშვილმა ჟურნალისტებთან საქართველოს მესამე პრეზიდენტ მიხეილ სააკაშვილზე საუბრისას განაცხადა.

მისივე თქმით, ქვეყნის ისტორიაში კიდევ ერთი ტრაგიკული ფურცელი არ უნდა ჩაიწეროს.

„რა პოზიციაც მაქვს ამ საკითხზე, საზოგადოებისთვის ნათელია. მიმაჩნია, ქვეყნის ისტორიაში კიდევ ერთი ტრაგიკული ფურცელი რომ არ ჩაიწეროს და არ მოგვიხდეს ქართველებს იმის მტკიცება, რომ როგორც კი კრემლს არ მოეწონება ჩვენს მიერ არჩეული ადამიანი, ბოლოს ეს ადამიანი სიკვდილამდე მიგვყავს, რომ არ მოგვიწიოს მტკიცება, რომ რუსეთის ამა თუ იმ ფორმით მანიპულირებული საზოგადოება ვართ, ეს სირთულე უნდა მოიხსნას და დამთავრდეს“, - აღნიშნა მარგველაშვილმა.