„დროას“ ლიდერი, ელენე ხოშტარია მის ჯანმრთელობის მდგომარეობასთან დაკავშირებით განმარტავს და სოციალურ ქსელში წერს, რომ საკანონმდებლო ორგანოში სასწრაფო დახმარება პარლამენტმა გამოიძახა.

ელენე ხოშტარიას განმარტებით, წნევა ნორმის ფარგლებში აქვს, მაგრამ თავს ცოტა სუსტად გრძნობს.

“გავრცელდა ინფორმაცია, რომ ცუდად ვარ და სასწრაფო იყო. პარლამენტმა გამოიძახა სასწრაფო, მე არ მომითხოვია. წნევა ნორმის ფარგლებში მაქვს, გლუკოზამ ცოტა დაიწია, მაგრამ ნორმის ფარგლებშია. პულსიც ოდნავ დაბალი, მაგრამ ნორმის ფარგლებშია. დრამატული არაფერი არ ხდება, უბრალოდ, ცოტა სისუსტე მაქვს და ხშირად მძინავს, ამიტომ ყველას ვერ გპასუხობთ. ინფორმაციას მოგაწვდით ყველა ეტაპზე. გამოსავალი მარტივია, სააკაშვილი გადაიყვანონ კლინიკაში“,-წერს ხოშტარია „ფეისბუქზე“.

ცნობისთვის, „დროას“ ლიდერმა, ელენე ხოშტარიამ პარლამენტში შიმშილობა დაიწყო. მისი მოთხოვნაა, რომ ყოფილი პრეზიდენტი მიხეილ სააკაშვილი სამოქალაქო კლინიკაში გადაიყანონ. ელენე ხოშტარიას შეფასებით, ყოფილი პრეზიდენტის წინააღმდეგ ადგილი აქვს ცინიკურ და სადისტურ შურისძიებას.