პარლამენტის ბიუროს 2022 წლის სახელმწიფო ბიუჯეტის პროექტის კორექტირებული ვარიანტი წარედგინა

პარლამენტის ბიუროს 2022 წლის სახელმწიფო ბიუჯეტის პროექტის კორექტირებული ვარიანტი წარედგინა.

როგორც საფინანსო-საბიუჯეტო კომიტეტის თავმჯდომარემ, ირაკლი კოვზანაძემ ბიუროს სხდომაზე განაცხადა, ბიუჯეტის პროექტში მნიშვნელოვანი ცვლილებებია შეტანილი.

„ბიუჯეტის კორექტირებული ვერსია პარასკევს საღამოს მივიღეთ. მნიშვნელოვანი ცვლილებებია შეტანილი. ხარჯების ნაწილი გაზრდილია 395 მილიონით. ასიგნებები აღწევს 18 მილიარდ 840 მილიონს. მაკროეკონომიკურ ნაწილში მნიშვნელოვანია ის, რომ ეკონომიკის ზრდის წლევანდელი წლის პროგნოზი 9,5 %-იდან არის გაზრდილი 10%-მდე. ამან მოგვცა საშუალება, რომ მომდევნო წელსაც დამატებითი რესურსი მიგვეღო ბიუჯეტის ზრდისთვის. მთლიანი შიდა პროდუქტის ზრდა მომავალ წელს დაგეგმილია 6%-ის ფარგლებში, შენარჩუნებულია ეს მონაცემი და ნომინალში აღწევს 65 მილიარდ ლარს. ბიუჯეტის დეფიციტი ასევე შენარჩუნებულია 4,4%-ის დონეზე, ხოლო მთავრობის ვალი აწევს 52,2%-ს. გაზრდილია ბევრი მხარჯავი სუბიექტის დაფინანსება. ჯანდაცვის სამინისტროს ასიგნებები არის 71 მილიონით გაზრდილი. 175 მილიონი ლარი არის გამოყოფილი იმისთვის, რომ ხელფასები გაიზარდოს საჯარო სექტორში 10%-ით. ყველა იმ უწყებას, რომელიც ბიუჯეტიდან იღებს დაფინანსებას, ეზრდებათ ხელფასები. კვირის მეორე ნახევარში გვექნება კომიტეტის სხდომა, სადაც ბიუჯეტის ამ ვერსიას განვიხილავთ“, - განაცხადა კოვზანაძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები