რუსლან აბაშიძე რუმინეთის ელჩს შეხვდა
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოში რუმინეთის საგანგებო და სრულუფლებიან ელჩ რაზვან როტუნდუს შეხვდა.
აფხაზეთის ავტონომიური რესპუბლიკის მთავრობის თავმჯდომარემ რუმინელ დიპლომატს ოკუპირებულ აფხაზეთში არსებული მდგომარეობის შესახებ ინფორმაცია მიაწოდა.
„რუსლან აბაშიძემ საოკუპაციო რეჟიმის მხრიდან ადგილობრივი მოსახლეობის ფუნდამენტური უფლებების დარღვევის ფაქტებზე ისაუბრა.
შეხვედრაზე მხარეებმა ერთობლივი პროგრამების განხორციელების და სამომავლო თანამშრომლობის შესაძლებლობები განიხილეს. ელჩმა მზადყოფნა გამოთქვა დევნილი საზოგადოების ჩართულობით სხვადასხვა ინიციატივების მხარდასაჭერად.
რუმინელმა დიპლომატმა კიდევ ერთხელ დაადასტურა მისი ქვეყნის ურყევი პოზიცია და სრული მხარდაჭერა საქართველოს ტერიტორიული მთლიანობის მიმართ“, - ნათქვამია გავრცელებულ ინფორმაციაში.
