ხათუნა სამნიძე - „ქართული ოცნება“ ერიდება ისეთი ადამიანების შეშვებას სასჯელაღსრულების დაწესებულებაში, რომლებიც ობიექტურ ინფორმაციას გამოგვიტანდნენ

„ქართული ოცნება“ ერიდება ისეთი ადამიანების შეშვებას სასჯელაღსრულების დაწესებულებაში, რომლებიც ობიექტურ ინფორმაციას გამოგვიტანდნენ, - ამის შესახებ „რესპუბლიკური პარტიის" ლიდერმა ხათუნა სამნიძემ „პალიტრანიუსის“ გადაცემა „ნიუსრუმში" განაცხადა.

მისივე შეფასებით, ეს უკვე ადასტურებს, რომ „ქართულ ოცნებას“ ეშინია.

„ქართული ოცნების“ პოზიციაა კუნთებით თამაში და საზოგადოებასთან ასე საუბარი: „მე როგორც მინდა ისე მოვიქცევი, ისე მოვექცევი პატიმარს და დამიჯერეთ მე და არა სპეციალისტებს და ექიმებს, არა სახალხო დამცველს“, რომელიც საკუთარი ქვეყნის მოქალაქის სანახავად ჩამოვიდა ან ევროპარლამენტარს, რომელიც, რა თქმა უნდა, ობიექტურად შეაფასებდა ვითარებას. „ქართული ოცნების“ ქცევა, რომელმაც დახურა მთლიანად ეს დაწესებულება, იქ არ უშვებს ისეთ ადამიანებს, რომელთა განცხადებაც შესაძლოა, სანდო იყოს და ვთანხმდებით, რომ სანდო იქნება ევროპარლამენტარების განცხადება ამ მდგომარეობაზე, ისინი ასეთ ადამიანებს არ უშვებენ ამ დაწესებულებაში, ეს თავიდანვე ქმნის განცდას, რომ „ქართული ოცნება“ ერიდება ისეთი ადამიანების შეშვებას დაწესებულებაში, რომლებიც ობიექტურ ინფორმაციას გამოგვიტანდნენ. ეს უკვე ადასტურებს, რომ „ქართულ ოცნებას“ ეშინია“, - განაცხადა სამნიძემ.

მისივე თქმით, ხელისუფლება, ისევე როგორც სამართალდამცავი ორგანოები ორმაგი სტანდარტებით ხელმძღვანელობს და რიგ შემთხვევაში მოსახლეობის დასაცავად რესურსი არ ჰყოფნის, რიგ შემთხვევაში კი საკმაო რესურსი აქვს აქციაზე გამოსული ადამიანების დასაკავებლად.

„როდესაც ხელისუფლება აკეთებს განცხადებას, რომ ვერ დაიცავს უსაფრთხოებას ნებისმიერი პატიმრის, ნებისმიერი ადამიანის და ეს პირველად არ გვესმის, ჩვენ გვახსოვს კარგად, რომ 5-6 ივლისს მოვისმინეთ განცხადება, რომ არ გვაქვს ამდენი რესურსი სახელმწიფოს, რომ დავიცვათ მოქალაქეო, მაშინ, როდესაც 2 დღის წინ, როდესაც გამოცხადდა აქცია - ქუჩის გადაკეტვა თუ სხვა სახის პროტესტი, რამდენიმე განცხადება გააკეთა შინაგან საქმეთა სამინისტრომ მუქარის შემცველი. პირდაპირ უთხრეს საზოგადოებას, ჩვენ გვაქვს რესურსი, თუ გადაცდომას დავინახავთ დაგიჭერთო. ანუ ხელისუფლების მხრიდან, სამართალდამცავი ორგანოებისა თუ უსაფრთხოების სამსახურის მხრიდან კეთდება პოლიტიკური ტიპის ორმაგი სტანდარტის მქონე განცხადებები, როდესაც მათ სჭირდებათ მუქარის შემცველი, როდესაც მათ სჭირდებათ რესურსი არ აქვთ. დამანგრეველია გვესმოდეს პარლამენტარისგან და პრემიერ-მინისტრისგან განცხადება, რომ ისინი ვერ შეძლებენ რომელიმე შენობაში კონკრეტული ადამიანის უსაფრთხოების დაცვას ან შეკრებილი ადამიანების უსაფრთხოების დაცვას, ეს არის დამანგრეველი, ეს ნიშნავს, რომ სახელმწიფოებრივ კრიზისთან გვაქვს საქმე. პოლიტიკური კრიზისი ღრმავდება, იმიტომ, რომ ეს პოლიტიკური ძალა არ აცნობიერებს საითკენ შეიძლება წაიყვანოს ქვეყანა და სახელმწიფოებრიობასაც უქმნის საფრთხეს“, - განაცხადა ხათუნა სამნიძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“