პროფესიული განათლების ეროვნული ჯილდოს 2021 წლის გამარჯვებულები გამოვლინდებიან
პროფესიული განათლების ეროვნული ჯილდოს 2021 წლის გამარჯვებულები გამოვლინდებიან. დაჯილდოების ცერემონია დღეს, 19:00 საათზე, სასტუმრო „თბილისი მარიოტის“ წვეულებათა დარბაზში „ათასწლეულის ფონდის“ ორგანიზებით გაიმართება.
ღონისძიებაზე გამოვლინდებიან პროფესიული განათლების ეროვნული ჯილდოს 2021 წლის გამარჯვებულები ხუთ საკონკურსო კატეგორიაში: წლის პროფესიული განათლების სტუდენტი, წლის პროფესიული განათლების მასწავლებელი, წლის პროფესიული საგანმანთლებლო პროგრამა, წლის პროფესიული მომზადების/გადამზადების პროგრამა და წლის პროფესიული განათლების ბიზნეს პარტნიორი.
„პროფესიული განათლების ეროვნული ჯილდოს“ ყოველწლიური კონკურსი წელს მეოთხედ ტარდება ათასწლეულის ფონდის ორგანიზებით. კონკურსის მიზანია პროფესიული განათლების, როგორც ქვეყნის ეკონომიკის გაძლიერების მნიშვნელოვანი კომპონენტის, განვითარება და პოპულარიზაცია. ჯილდოს გენერალური სპონსორია გუდავაძე-პატარკაციშვილის ფონდი. ბოლო ორი წელია, კონკურსზე სპეციალურ პრიზს აწესებს ისრაელის საელჩო საქართველოში. კონკურსის მხარდამჭერია აშშ-ის საელჩო და საქართველოს განათლებისა და მეცნიერების სამინისტრო.
გალა დაჯილდოების ცერემონიალს დაესწრებიან აღმასრულებელი და საკანონმდებლო ხელისუფლების წარმომადგენლები, ამერიკისა და ისრაელის საელჩოების, დიპლომატიური კორპუსის, ათასწლეულის ფონდის ხელმძღვანელები, საერთაშორისო დონორი ორგანიზაციების, პროფესიული განათლების სფეროს და ინდუსტრიის წარმომადგენლები.
v-if="article.gallery" v-html="article.gallery"
