დავით სერგეენკო - სააკაშვილის მკურნალ და პირად ექიმთან შეთანხმებით გავწერეთ და დავასაბუთეთ 5 ექიმის კონსულტაციის აუცილებელობა - თუ მათი გაკეთება ადგილზე შეუძლებელი აღმოჩნდება, პაციენტი სხვაგან იქნება გადაყვანილი

მკურნალ და პირად ექიმთან შეთანხმებით გავწერეთ 5 ექიმის კონსულტაციის აუცილებელობა, რომლებიც მკურნალობის და დიაგნოსტიკის გეგმას გაწერენ - თუ მათი რაღაც ნაწილის გაკეთება შეუძლებელი იქნება ადგილზე, სააკაშვილი გადაყვანილი იქნება იქ, სადაც ეს შესაძლებელი იქნება,- ამის შესახებ ვიცე-სპიკერმა დავით სერგეენკომ ჟურნალისტებთან განაცხადა.

მისივე თქმით, პირველ რიგში აუცილებელი იყო ნევროლოგის და გასტროენტეროლოგის კონსულტაცია. სერგეენკოს ინფორმაციით, ნევროლოგმა სააკაშვილი უკვე მოინახულა ღამის განმავლობაში, ასევე სავარაუდოდ, მას მოინახულებდა გასტროენეროლოგიც.

"პირადი რეკომენდაცია უკვე გავუზიარე მის პირად ექიმს და ამ დაწესებულების ექიმებს, რომელიც პრინციპში სრულდება კიდეც და დამეთანხმნენ, ეს იყო გადაუდებელი კონსულტაციები ღამის განმავლობაში რამდენიმე სპეციალისტის, რომლებმაც უახლოესი საათების სამოქმედი გეგმა უნდა გაწერონ. ეს არის ჩემი რეკომენდაცია, რომელიც გაზიარებულია. გეგმაა ასეთი, რომ მკურნალ და პირად ექიმთან შეთანხმებით, გავწერეთ და დავასაბუთეთ 5 ექიმის კონსულტაციის აუცილებელობა. აქედან ორი - ნერვოლოგი და გასტროენტეროლოგი, პირველი პრიორიტეტი იყო. ნერვოლოგის კონსულტაცია იყო უკვე, როცა მე წამოვედი, გასტროენტეროლოგთან ღამე ჩატარდებოდა. ამოცანაა ის, რომ ეს ადამიანები მკურნალობისა და დიაგნოსტიკის გეგმას გაწერენ. თუკი ეს შესაძლებელი იქნება ადგილზე, გაკეთდება ადგილზე, თუ მათი რაღაც ნაწილის გაკეთება შეუძლებელი იქნება, გადაყვანილი იქნება იქ პაციენტი, სადაც ეს შესაძლებელი იქნება,"- განაცხადა სერგეენკომ.

ის ასევე გამოეხმაურა ელენე ხოშტარიას განცხადებას, რომ მედიკამენტების მიღებას წყვეტს და აღნიშნა, რომ როცა ხოშტარია მოინახულა, მისი სომატური ჯანმრთელობა უკვე დამძიმებული იყო, ამიტომ ურჩევს გადაწყვეტილებას გადახედოს.

"მართლა ძალიან მადარდებს ამ ადამიანის ჯანმრთელობის მდგომარეობა. როცა ვნახე მაშინ უკვე სერიოზულად იყო შერყეული მისი სომატური ჯამრთელობა, ადამიანურად მინდა ვთხოვო, გადახედოს ამ გადაწყვეტილებას და თუნდაც, ის აუცილებელი დანამატები მიიღოს,"- განაცხადა სერგეენკომ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს