დიმიტრი საძაგლიშვილი - ჩვენ ვხედავთ  პენიტენციური სამსახურის უმოქმედობას, რაც შეიძლება მიუთითებდეს მხოლოდ ერთ რამეზე - ხელისუფლების მიზანი არ არის მიხეილ სააკაშვილის სიცოცხლეზე ზრუნვა

ჩვენ ვხედავთ პენიტენციური სამსახურის უმოქმედობას, რაც შეიძლება მიუთითებდეს მხოლოდ ერთ რამეზე - ხელისუფლების მიზანი არ არის მიხეილ სააკაშვილის ჯანმრთელობასა და სიცოცხლეზე ზრუნვა, ისინი ხელმძღვანელობენ პოლიტიკური დღის წესრიგით, - ამის შესახებ საქართველოს მესამე პრეზიდენტის, მსჯავრდებულ მიხეილ სააკაშვილის უფლებადამცველმა დიმიტრი საძაგლიშვილმა გლდანის მე-18 სამკურნალო დაწესებულებასთან, ჟურნალისტებთან საუბრისას განაცხადა.

როგორც საძაგლიშვილი აღნიშნავს, სახალხო დამცველის ეგიდით შექმნილი ექსპერტთა ჯგუფი და ცენტრი „ემპათია“ ერთსულოვნად მიუთითებენ ექსპრეზიდენტის მრავალპროფილურ კლინიკაში გადაყვანაზე.

„სამწუხაროდ, ჩვენთვის დამატებით არაფერი არ არის ცნობილი, გარდა იმ ინფორმაციისა, რომელიც გუშინ ღამე გავრცელდა მედიით. ერთი მხრივ, სახალხო დამცველის ეგიდით შექმნილი ექსპერტთა ჯგუფი, მეორე მხრივ, ცენტრი „ემპათია“ და მისი ექსპერტები ერთსულოვნად მიუთითებენ მიხეილ სააკაშვილის სამოქალაქო სექტორის საავადმყოფოში დაუყოვნებლივ გადაყვანის აუცილებლობაზე. ჩვენ ვხედავთ პენიტენციური სამსახურის უმოქმედობას, რაც შეიძლება მიუთითებდეს მხოლოდ ერთ რამეზე, ხელისუფლების მიზანი არ არის მიხეილ სააკაშვილის ჯანმრთელობასა და სიცოცხლეზე ზრუნვა, ისინი ხელმძღვანელობენ პოლიტიკური დღის წესრიგით, შესაბამისად ამ დღის წესრიგს მიყვებიან“,- აღნიშნავს საძაგლიშვილი.

უფლებადამცველი მედიაში გავრცელებულ ინფორმაციასაც გამოეხმაურა, რომლის თანახმადაც, შესაძლოა, მიხეილ სააკაშვილი გორის სამხედრო ჰოსპიტალში ან სხვა კლინიკაში გადაიყვანონ. როგორც მან აღნიშნა, მას არ აქვს მოლოდინი რომ ხელისუფლება ადეკვატურ გადაწყვეტილებას მიიღებს და დასძენს, რომ კლინიკაში გადაყვანასთან დაკავშირებულ ინფორმაცია მისთვის დამაჯერებლად არ ჟღერს.

„არაფერი ვიცით. მედიით გავრცელდა არაერთ კლინიკაზე ინფორმაცია, თუმცა არ ვფიქრობ, რომ რომელიმე ეს ინფორმაცია შესაძლოა, დამაჯერებლად ჟღერდეს. წარმოდგენა არ მაქვს, რა გადაწყვეტილებას მიიღებენ. ჯერ ისიც კი არ მოგვისმენია ხელისუფლებისგან, რომ ისინი აპირებენ მიხეილ სააკაშვილის გადაყვანას, არა თუ ის, რომელ კლინიკაში მოხდება ეს. მე პირადად არანაირი მოლოდინები არ მაქვს. საფუძველი არ გვაქვს, რომ ხელისუფლების მხრიდან ველოდოთ ადეკვატურ გადაწყვეტილებას. ისინი არ მოქმედებენ გონივრული ნაბიჯებით. ასეთ ვითარებაში პროგნოზების გაკეთება და მოლოდინების შექმნა შეუძლებელია“, - აღნიშნავს საძაგლიშვილი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს