"ვარდების რევოლუციის“ 18 წლისთავისადმი მიძღვნილი აქცია-პერფორმანსი დასრულდა.
საქართველოს მესამე პრეზიდენტის მიხეილ სააკაშვილის მხარდამჭერებმა და სამოქალაქო აქტივისტებმა თავისუფლების მოედნიდან რესპუბლიკის მოედნამდე ცოცხალი ჯაჭვი გააკეთეს.
მათ ადგილზე საქართველოსა და ევროკავშირის დროშები, ასევე წითელი ვარდები მიიტანეს.
აქციის მონაწილეები სკანდირებდნენ - “საქართველო”, “მიშა" "თავისუფლება მიშას".
აქტივისტები აცხადებდნენ, რომ დღევანდელი პერფორმანსით მათ კიდევ ერთხელ შეახსენეს ხელისუფლებას, რომ ეს დღე ახსოვთ.
თავისუფლების მოედნიდან რესპუბლიკის მოედნამდე საავტომობილო გზაზე მოძრაობა თავისუფალია. ადგილზე მობილიზებულია საპატრულო პოლიცია.