ეროვნულ მუზეუმში „მინიატურები იუნუს ემრეს შესახებ“ იქნება წარმოდგენილი
საქართველოს ეროვნული მუზეუმი ახალი გამოფენისთვის ემზადება. მუზეუმში „მინიატურები იუნუს ემრეს შესახებ“ 30 ნოემბრიდან იქნება წარმოდგენილი. ორგანიზატორების ინფორმაციით, ექსპოზიციაზე დამთვალიერებელი იხილავს 25 ნამუშევარს, რომელიც სპეციალურად ამ გამოფენისთვის ჩამოიტანეს თურქეთიდან.
„მინიატურები დიდი თურქი პოეტის ლექსების შთაგონებით არის შექმნილი. გამოფენაზე ასევე იქნება იუნუს ემრეს წიგნის ქართული თარგმანის პრეზენტაცია. ღონისძიების ორგანიზატორია, თბილისის იუნუს ემრეს სახელობის ინსტიტუტი.
იუნუს ემრე (1238 -1321წწ.) თურქი ხალხის უდიდესი სუფი პოეტია. მის პოეზიას საფუძვლად უდევს ადამიანების სიყვარული, პატივისცემა და ტოლერანტობა.
2021 წელი იუნესკომ, თურქი პოეტის გარდაცვალებიდან 700 წლისთავთან დაკავშირებით, იუნუს ემრეს წლად გამოცხადდა.
გამოფენა ოფიციალურად 30 ნოემბერს, 14:00 საათზე გაიხსნება, თბილისის ისტორიის მუზეუმში და 10 დღის განმავლობაში გაგრძელდება“, - ნათქვამია ინფორმაციაში.
v-if="article.gallery" v-html="article.gallery"
