თეთრი სახლი - ჯო ბაიდენმა ანგელა მერკელს, ემანუელ მაკრონს, ბორის ჯონსონსა და მარიო დრაგის ვლადიმერ პუტინთან გამართული საუბრის შესახებ ინფორმაცია მიაწოდა

ჯო ბაიდენმა გერმანიის კანცლერს, ანგელა მერკელს, საფრანგეთის პრეზიდენტს, ემანუელ მაკრონს, გაერთიანებული სამეფოს პრემიერ-მინისტრს, ბორის ჯონსონსა და იტალიის პრემიერ-მინისტრს, მარიო დრაგის ვლადიმერ პუტინთან გამართული საუბრის შესახებ ინფორმაცია მიაწოდა, - ინფორმაციას თეთრი სახლი ავრცელებს.

„ლიდერებმა ხაზგასმით აღნიშნეს უკრაინის სუვერენიტეტისა და ტერიტორიული მთლიანობის მიმართ მხარდაჭერა, ისევე როგორც რუსეთის მიერ დაძაბულობის შემცირებისა და დიპლომატიის ჩართვის აუცილებლობა,“- აღნიშნულია ინფორმაციში.

თეთრი სახლის ცნობით, ევროპელი ლიდერები შეთანხმდნენ, რომ მათი წარმომადგენლები „კოორდინირებულ და ყოვლისმომცველ მიდგომასთან დაკავშირებით“ ახლო კონტაქტში დარჩებიან ერთმანეთთან.