17 დეკემბერს პარლამენტის საშემოდგომო სესია დაიხურება. სესია დახურულად პლენარულ სხდომაზე გამოცხადდება, რის შემდეგაც საქართველოს სახელმწიფო ჰიმნი შესრულდება. პარლამენტის რეგლამენტის მიხედვით, საშემოდგომო სესია სექტემბრის პირველ სამშაბათს იხსნება და დეკემბრის მესამე პარასკევს იხურება.
ამასთან, დეპუტატები ზამთრის არდადეგებზე წასვლას ჯერ არ აპირებენ. არსებული ინფორმაციით, დეკემბრის ბოლომდე რამდენიმე რიგგარეშე სხდომა გაიმართება. რიგგარეშე სხდომების მოწვევა დაგეგმილია მომავალი კვირისთვის.