ალეკო ელისაშვილი - „ქართული ოცნება” იძახის, რა კარგია შერიგება და მეორე წინადადებიდან ზიზღის ფრქვევას იწყებს, „ნაცმოძრაობაც“ ანალოგს აკეთებს - ეს მაძლევს ეჭვის საფუძველს, რომ შეიძლება ამ საქმისგან არაფერი გამოვიდეს

როდესაც პირობას აყენებ, რომ სააკაშვილის გათავისუფლების ერთ-ერთი გზა შეწყალებაა და პრეზიდენტს მოუწოდებ შეიწყალოს, შემდეგ კი შეხვედრაზე არ მოდიხარ და იძახი, რომ არ მინდა იქ ჩურჩხელაზე და ნაძვის ხეზე მივიდე, არასერიოზულია , - ამის შესახებ პარტია „მოქალაქეების“ ლიდერმა, ალეკო ელისაშვილმა პრეზიდენტთან შეხვედრის შემდეგ ჟურნალისტებს განუცხადა.

როგორც ელისაშვილი დასძენს, ე.წ. შერიგებაზე თანხმობის მიღწევა გინდა, პირობები არ უნდა დააყენო და ზიზღი აღარ უნდა აფრქვიო.

„ „ქართულ ოცნებას“ თუ მოვუსმენთ, ისინი იძახიან, რომ რა კარგია შერიგება და მეორე წინადადებიდან იწყებენ ზიზღის ფრქვევას. „ნაციონალური მოძრაობაც“ ანალოგს აკეთებს. კარგია შერიგება, მაგრამ... და იწყებენ პირობების დაყენებას. თუ თანხმობის მიღწევა გინდა, პირობები არ უნდა დააყენო, ზიზღი აღარ უნდა აფრქვიო. ამით არიან დაკავებულები. აი ეს მაძლევს იმის ეჭვის საფუძველს, რომ შეიძლება ამ საქმისგან არაფერი გამოვიდეს. მათ შორის, მიხეილ სააკაშვილი უნდა გათავისუფლდეს სამართლებრივი გზით, გაიმართლოს თავი, ღვთის წყალობით, მარტო მურუსიძის სასამართლოს იმედზე არ ვართ, ვართ სტრასბურგის სასამართლოს იმედზე, რომლის გადაწყვეტილებებში ეჭვი არ შეგვაქვს, გაიმართლოს თავი სტრასბურგის სასამართლოში.

როდესაც პირობას აყენებ, რომ სააკაშვილის გათავისუფლების ერთ-ერთი გზა შეწყალებაა და პრეზიდენტს მოუწოდებ შეიწყალოს, შემდეგ შეხვედრაზე არ მოდიხარ, იძახი, რომ არ მინდა იქ ჩურჩხელაზე და ნაძვის ხეზე მივიდე, ეს არ არის სერიოზული. ეს არის შეურაცხყოფა და არასერიოზული. ქუჩიდან ითხოვდე გაათავისუფლოს პრეზიდენტმა მიხეილ სააკაშვილი შეწყალების გზით და თან აბუჩად იგდებ ამ პროცესს, არ გამოდის“, - აღნიშნავს ელისაშვილი.

როგორც ელისაშვილი აღნიშნავს, ეროვნული თანხმობა ძალიან მნიშვნელოვანია.

„სულ რაც მინდოდა მომესმინა ჩემი ქვეყნის პრეზიდენტებისგან, ის მოვისმინე, რომ ეროვნული თანხმობა ძალიან მნიშვნელოვანია, ამისთვის კი ნაბიჯები უნდა გადავდგათ. ეტყობა სალომე ზურაბიშვილს, რომ ამაზე ბევრი უფიქრია და უნდა, რომ ძალიან სერიოზული ნაბიჯები გადაიდგას ეროვნული თანხმობისთვის. რა ვქნა, ვიტოვებ უფლებას სკეპტიკური ვიყო, ვიტოვებ უფლებას, რომ ვფიქრობდე ამ საკითხიდან არაფერი გამოვიდეს, მაგრამ პირობა მივეცი სალომე ზურაბიშვილს, რომ მეც და ჩვენი პარტიაც ყველაფერს გავაკეთებთ, რომ ამ პროცესს დავეხმაროთ“,- აღნიშნავს ელისაშვილი.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში