სალომე სამადაშვილი რატი ბრეგაძეს - კარგია, რომ პარლამენტში აღიარებითი ჩვენება მიეცით, სტრასბურგში წარდგენა მოგიწევთ - ახლა რამდენიც გინდათ იღლიცინეთ და იოხუნჯეთ ​

კარგია, რომ პარლამენტში თვითაღიარებითი ჩვენება მიეცით, სტრასბურგში წარდგენა მოგიწევთ - ახლა იღლიცინეთ რამდენიც გინდათ და იოხუნჯეთ, ამ დარბაზში ეძებეთ „ნაციონალური მოძრაობის“ წარმომადგენლები, რომ შეახსენოთ საკუთარ თავს, ვინ ხართ, რანი ხართ, რისთვის მოხვედით სახელმწიფოს მართვაში და პოლიტიკაში“,- ასე მიმართა ოპოზიციონერმა დეპუტატმა სალომე სამადაშვილმა იუსტიციის მინისტრ რატი ბრეგაძეს პლენარულ სხდომაზე.

სამადაშვილმა აღნიშნა, რომ რატი ბრეგაძის მინისტრობის პერიოდი ხანმოკლე იქნება, ამასთან ის პასუხისგებაშიც აღმოჩნდება.

„ძალიან ბევრი საქმე წავა სტრასბურგში, რომელიც ეხება თქვენი მინისტრობის პერიოდს საქართველოში, რაც ხანმოკლე აღმოჩნდება მერწმუნეთ. ძალიან კარგია, რომ დღეს, პარლამენტში თვითაღიარებითი ჩვენება მიეცით, რაც იმ საქმეებს შეეხება, რომელსაც აუცილებლად განიხილავს სტრასბურგის ადამიანის უფლებების სასამართლო. ეს საქმეები შეეხება პატიმარ მიხეილ სააკაშვილის უფლებებს, რომელიც აქ დაგვიდასტურეთ, რომ თქვენი პირადი მითითებით დაირღვა.

არაფორმალური მმართველობა არ გვაქვსო, არავინ არაფერს მეუბნებაო. კარგია, რომ საკუთარ თავზე იღებთ პასუხისმგებლობას. სტრასბურგის სასამართლოში სააკაშვილის ადვოკატებს გამოადგებათ ის თვითაღიარებითი ჩვენებები, რომელიც თქვენ მიეცით. მგონი, საკმარისად არ გაქვთ განვითარებული ანალიზის უნარი, გაანალიზოთ რა გააკეთეთ აქ.

მეგობრულ განმარტებად მიიღეთ ჩემი სიტყვები. თქვენ დღეს დაადასტურეთ, რომ გაეცით ბრძანება, დარღვეულიყო პატიმარ მიხეილ სააკაშვილის უფლებები, როდესაც ფარული ჩანაწერები გაასაჯაროვეთ. თქვენ დაადასტურეთ, რომ სააკაშვილს თანხმობა არ მიუცია, რომ გადაყვანილი ყოფილიყო სამკურნალო დაწესებულებაში. თქვით, რომ ამის მოთხოვნის უფლება არ ჰქონდა. სხვა აზრზეა სახალხო დამცველი, როგორც ამ ქვეყანაში, ისე უკრაინაში.

ბატონო, მინისტრო, სტრასბურგში წარდგენა მოგიწევთ, შესაბამისად პასუხისგებაში აღმოჩნდებით არა მხოლოდ საქართველოში მიმდინარე პროცესების გამო, არამედ იმის გამოც, რომ თქვენს წინააღმდეგ შესაბამის სარჩელს შეიტანს ჩვენი სტრატეგიული მოკავშირე უკრაინა, რომლის მოქალაქის უფლებების უხეში და სისტემატიური დარღვევა დაადასტურეთ საქართველოს პარლამენტში. ახლა იღლიცინეთ რამდენიც გინდათ და იოხუნჯეთ. ამ დარბაზში ეძებეთ „ნაციონალური მოძრაობის“ წარმომადგენლები, რომ შეახსენოთ საკუთარ თავს, ვინ ხართ, რანი ხართ, რისთვის მოხვედით სახელმწიფოს მართვაში და პოლიტიკაში“,- განაცხადა სამადაშვილმა.

ამასთან, სამადაშვილის შეფასებით, მინისტრის და უმრავლესობის წევრების გამოსვლები „მოსასმენად მოსაწყენია“, „ნაციონალური მოძრაობის“ თავდასხმის გარდა, არაფერი აქვთ სათქმელი“.

„ ახლა, როდესაც ვისმენდი მინისტრის პასუხს და უმრავლესობის წევრების გამოსვლას, მივხვდი, რომ ძალიან სერიოზული პრობლემა აქვს „ქართულ ოცნებას“. ეს პრობლემა არის იდენტობის პრობლემა. არ იცით ვინ ხართ, თუ „ნაციონალური მოძრაობის“ საწინააღმდეგოდ არ განსაზღვრავთ საკუთარ იდენტობას. მუსიკაში არსებობს ერთაკორდიანი ნაწარმოები, რომელიც მოსასმენად მოსაწყენია, ასეთი მოსასმენად მოსაწყენი გახდა თქვენი პოლიტიკური გამოსვლები. „ნაციონალური მოძრაობის“ თავდასხმის გარდა, არაფერი გაქვთ საერთოდ სათქმელი. ბატონო, ანრი (ოხანაშვილი) , ჩრდილოეთ კორეაში სიცილიც აკრძალეს 11 დღის განმავლობაში და თქვენ ოპოზიციას ისეთ ცენზურას უწესებთ ვინ რა უნდა თქვას, რომ შეიძლება მალე გაღიმებაც აგვიკრძალოთ დარბაზში, საცოდავი სანახაობაა ეს ყველაფერი", - განაცხადა სამადაშვილმა.

მან იუსტიციის მინისტრს ურჩია გაეცნოს ევროპარლამენტის ანგარიშს, რას წერენ საპატიმროებში არაფორმალურ მმართველობაზე.

"რაც შეგეხებათ თქვენ, ბატონო, რატი. არ ვიცი სად ისწავლეთ და რა ისწავლეთ, იმ პრეზიდენტის სტიპენდიანტი კი ბრძანდებით, დღეს რომ საპატიმროშია. მე რამდენადაც მახსოვს, ამ სტიპენდიის მისაღებად მინიმალური მოთხოვნა წერა-კითხვის ცოდნა იყო, ამიტომ ალბათ, წერა-კითხვას ფლობთ. ეს უნარ-ჩვევა უნდა გქონდეთ. გირჩევთ, გამოიყენოთ. ალბათ შეგიძლიათ გაეცნოთ მაგალითად human rights watch -ის ანგარიშებს, სახელმწიფო დეპარტამენტის ანგარიშებს, რაც ადამიანის უფლებებს შეეხება ჩვენ ქვეყანაში. სახალხო დამცველის ანგარიშებს გაეცნოთ.

„შტადლერის“ მატარებელს, რომ ხედავთ ურეკში, ფიქრობთ, რომ ევროპაში ვართ, მაგრამ ევროპაში ვერ აღმოვჩნდებით, სანამ ევროკავშირთან ასოცირების შეთანხმება არ შესრულდება და არ იქნება პოზიტიური შეფასება. გაეცანით ამ მიმართულებით ევროპარლამენტის ანგარიშს, რას წერენ ციხეში არაფორმალურ მმართველობაზე. გამოიყენეთ უნარ-ჩვევები, რომლის განვითარებაშიც, ამჟამად საპატიმროში მჯდომი სააკაშვილის სახელობის სტიპენდია დაგეხმარათ, რომ გაგევითარებინათ წერა-კთხვის უნარ-ჩვევები მაინც“,- აღნიშნა სამადაშვილმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა