მირცხულავას ქუჩის მოსახლეობამ საპროტესტო აქცია გამართა.

აქციის მონაწილეების ინფორმაციით, ისინი ე.წ. სუკონის საფეხბურთო მოედნისთვის პროფილის შეცვლისა და განადგურების პროცესს აპროტესტებენ.

აქციის მონაწილეების მოთხოვნაა, შეწყდეს საფეხბურთო სტადიონის ინერტული მასლების საწყობად გადაკეთება.

„ერთი საუკუნის ე.წ. სუკონის საფეხბურთო მოედანი, რომელზეც პირველი ლიგის მატჩები იმართებოდა, ინერტული მასალების საწყობად და ბაზრობად აქციეს, „ელიავა 2“-ს აკეთებენ აქ. ჩვენი აზრით, სავარაუდოდ, პროფილს უცვლიან მოედანს და შემდეგ მშენებლობებს დაგეგმავენ. საფეხბურთო მოედანზე უკვე დაყარეს ქვიშა და ხრეში, ასევე ადგილზე მოძრაობენ სატვირთო ავტომობილები. საფეხბურთო მოედნის წინ არის სკოლა, მოსახლეობა, წარმოგიდგენიათ აქ ზაფხულში რა მოხდება? მოსახლეობისთვის აღნიშნულ მოედანს და მის მიმდებარე ტერიტორიას ძალიან დიდი რეკრეაციული მნიშვნელობა ჰქონდა. მოვითხოვთ შეჩერდეს საფეხბურთო მოედნის საწყობად გადაკეთებისა და განადგურების პროცესი“, - განაცხადა აქციის ერთ - ერთმა მონაწილემ.