პარტია „საქართველოსთვის“ ლიდერის გიორგი გახარიას განცხადებით, დღეს ქვეყანაში, თითოეული ოჯახის პრობლემა არის უმუშევრობა, სიღარიბე, ინფლაცია და ა.შ. შესაბამისად, „შეთანხმება, ეროვნული კონსენსუსი ამაზე უნდა შედგეს და არა, კონკრეტული ადამიანების გათავისუფლება ან არ გათავისუფლებაზე“.

გიორგი გახარიამ უპასუხა შეკითხვას „ნაციონალური მოძრაობისა“ და მისი მხარდამჭერების მიერ დაწყებული შიმშილობის შესახებ.

„შიმშილობა, რა თქმა უნდა, არის პროტესტის ფორმა, მაგრამ მე არ ვფიქრობ, რომ ეს არის ის, რომელიც მიგვიყვანს იმ შედეგამდე, რაც ქვეყანას სჭირდება. დღეს, ქვეყანაში, ახალი წლის წინ რეალური პრობლემა აქვს თითოეულ ოჯახს - შემოსავლების, სიღარიბის, ინფლაციის, სამუშაო ადგილების და ა.შ. ეს, ის პრობლემებია, რომელზეც ყველამ ერთად უნდა ვიმუშაოთ. შეთანხმება, ეროვნული კონსენსუსი ამაზე უნდა შედგეს და არა, კონკრეტული ადამიანების გათავისუფლება ან არ გათავისუფლებაზე“, - განაცხადა გახარიამ ჟურნალისტებთან საუბრისას.