ჰერმან საბო - როცა კახეთის გზატკეცილზე მოშიმშილე ადამიანებს ცოტნე დადიანს ან მაჰათმა განდის ადარებ, ან მაჰათმა განდის არ უყურებ სერიოზულად ან იმ ხალხს, ვინც იქ შიმშილობს

როდესაც კახეთის გზატკეცილზე მოშიმშილე ადამიანებს ცოტნე დადიანს ან მაჰათმა განდის ადარებ, ან მაჰათმა განდის არ უყურებ სერიოზულად ან იმ ხალხს, ვინც იქ შიმშილობს, - ამის შესახებ ჟურნალისტებთან "გირჩის" დეპუტატმა ჰერმან საბომ განაცხადა.

რაც შეეხება "ნაციონალური მოძრაობის" მიერ გამოცხადებული შიმშილობის აქციის მოსალოდნელ შედეგებს, საბოს თქმით, ძნელია პროგნოზირება, თუ რა შედეგით შეიძლება დასრულდეს შიმშილობის აქცია, "მაგრამ ფაქტია, რომ ეს დაძაბულობის ხარისხს კიდევ უფრო გაზრდის".

"მიხეილ სააკაშვილის ციხეში ყოფნა "ქართული ოცნებისთვის" პრობლემაა, რადგან ნებისმიერ მომენტში, თუ "ქართულ ოცნებას" რამეზე ფეხი წაუცდება - თუ მოხდება მაგალითად, გავრილოვის ღამის მსგავსი რამ, შეიძლება ქვეყანაში რადიკალურად განსხვავებული ვითარება მივიღოთ და ცეკას ერთკაციანი მმართველობის სისტემის სათავეში, რაც საქართველოში გვაქვს, მიხეილ სააკაშვილი დაუბრუნდეს", - აღნიშნა ჰერმან საბომ.

პარტია "გირჩის" დეპუტატმა პრეზიდენტის სასახლეში მიმდინარე მოლაპარაკებების პროცესზეც გაამახვილა ყურადღება და როგორც განაცხადა, პრეზიდენტს ალბათ სურს, ამ პროცესით საკუთარი კონსტიტუციური როლის მნიშვნელობას გაუსვას ხაზი.

"ეს შეიძლება დავინახოთ როგორც შეთანხმების მცდელობისაკენ გადადგმული ნაბიჯი, ასევე იმის მცდელობა, რომ ამით პროცესი გაჭიანურდეს და "ქართულ ოცნებას" ჰქონდეს იმის თქმის საშუალება, რომ შერიგების პროცესშია, ამით კი დასავლეთის კრიტიკა აირიდოს. რაც შეეხება მიხეილ სააკაშვილს, ვერ ვხვდები, მას რა უნდა ამ პროცესისგან მიიღოს. ერთის მხრივ, ის და მისი მომხრეები შერიგებაზე საუბრობენ. მეორეს მხრივ, პროტესტის უკიდურესს ფორმას იყენებენ, რაც თავისი შინაარსით ულტიმატუმია და შერიგების რიტორიკასთან შეუთავსებელია. უკეთ უნდა ჩამოყალიბდნენ, რა უნდათ და რის დათმობაზე არიან მზად, რადგან შერიგება ორივე მხარისგან რაღაცის დათმობას გულისხმობს", - განაცხადა ჰერმან საბომ ჟურნალისტებთან საუბრისას.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა