ნინო წილოსანი „ნაციონალური მოძრაობის“ მოშიმშილე წევრებზე - მინდა, ამ ადამიანებს ვუსურვო, რაც შეიძლება მალე გაათვიცნობიერონ, რომ არიან იარაღი ყველაზე ცუდი მიზნების მისაღწევად

მინდა ამ ადამიანებს ვუსურვო, რაც შეიძლება მალე გაათვიცნობიერონ, რომ არიან იარაღი ყველაზე ცუდი მიზნების მისაღწევად, - ეს განცხადება "ნაციონალური მოძრაობის" მოშიმშილე წევრებთან დაკავშირებით "ქართული ოცნების" დეპუტატმა ნინო წილოსანმა გააკეთა.

წილოსანის თქმით, "ნაციონალური მოძრაობის" ლიდერები და პირადად მიხეილ სააკაშვილი საკუთარი გუნდის წევრებს ისეთი მძიმე რისკის ქვეშ აყენებენ, როგორიც ჯანმრთელობის დაზიანებაა.

"ქართული ოცნების" დეპუტატი იმასაც ამბობს, რომ თუ შერიგების პროცესი მიზნად მხოლოდ და მხოლოდ პატიმარ სააკაშვილის ციხიდან გასვლას ისახავს, რა თქმა უნდა, ეს პროცესი კონსტრუქციული ვერ იქნება

"თუ ოპოზიცია საზოგადოებაზეა გაბრაზებული, რაკი მას არჩევნებიდან არჩევნებამდე უნდობლობას უცხადებს და ხელისუფლებაში მისასვლელად არ ირჩევს, შერიგება რთული და წარმოუდგენელი პროცესი იქნება. თუ ვსაუბრობთ შერიგებაზე, როგორც მძიმე ფაქტების და შემთხვევების აღიარებაზე, შემდგომ მონანიებაზე და თანხმობის გამოძებნაზე, პროცესი შეიძლება შედეგიანი იყოს, თუმცა გასათვალისწინებელია, რომ ეს ერთ-ორ კვირაში ვერ მოხდება. ამას სიღრმისეული და ფართომასშტაბიანი დისკუსია სჭირდება", - განაცხადა ნინო წილოსანმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის