საქართველოს მესამე პრეზიდენტის მიხეილ სააკაშვილის პირადი ექიმის, ნიკოლოზ ყიფშიძის განცხადებით, საქართველოში სააკაშვილის სამკურნალოდ უცხოელი ექიმები ჩამოვლენ.

ამის შესახებ ყიფშიძემ ჟურნალისტებს გორის სამხედრო ჰოსპიტალის დატოვების შემდეგ განაცხადა.

„პრეზიდენტი უჩივის საერთო სისუსტეს, გადაადგილების პრობლემებია, დისბალანსი, საყურადღებოა ნეიროპათია, ასევე ნეიროდეფიციტი. ამ დღეებში ველოდებით რამდენიმე ექიმს საზღვარგარეთიდან, გერმანიიდან, ჰოლანდიიდან და ამერიკის შეერთებულ შტატებიდან. მგონია, რომ ჩვენ სათანადო მკურნალობას ვერ ვუწევთ. აუცილებელია საზღვარგარეთიდან ექიმების ჩართულობა”, - განაცხადა ნიკოლოზ ყიფშიძემ.