World Vision საქართველოს მხარდჭერით, 15 ახალგაზრდული საბჭოს წევრი გაცვლითი ვიზიტით გერმანიაში იმყოფებოდა

World Vision საქართველოს მხარდაჭერით, გაცვლითი პროგრამის ფარგლებში ბაღდათის, ხობისა და ზუგდიდის ახალგაზრდული საბჭოს 15 წევრი გერმანიაში იმყოფებოდა.

როგორც World Vision საქართველოს მიერ გავრცელებულ ინფორმაციაშია ნათქვამი, ვიზიტის ფარგლებში ჩატარდა ახალგაზრდების მონაწილეობასა და კულტურულ მრავალფეროვნებაზე ორიენტირებული აქტივობები, მათ შორის სესიები დაეთმო ფორმალურ და არაფორმალური განათლების მნიშვნელობას და გერმანიის წარმატებული მაგალითების გაზიარებას. გაიმართა კულტურული ღონისძიებები, სადაც მონაწლიეებმა ერთმანეთს გაუზიარეს გერმანული და ქართული კულტურა, ფოლკლორი და სამზარეულო. ბანაკი გაჯერებული იყო საინტერესო და სახალისო გუნდური აქტივობებით.

ბანაკს უძღვებოდნენ გამოცდილი გერმანელი ტრენერები, რომლებიც ახალგაზრდული მუშაკები არიან და წარმატებით ახორციელებენ ახალგაზრდულ ინიციატივებს გერმანიაში.

აღნიშნული ვიზიტი გერმანიის საგარეო საქმეთა სამინისტროს მიერ დაიგეგმა პროექტის ძლიერი კომპეტენციები ნათელი მომავლისთვის ფარგლებში. ვიზიტი დაფინანსდა World Vision საქართველოს, ახალგაზრდული ასოციაცია დრონისა და პარტნიორი გერმანული ორგანიზაცია “East West East”- ის მიერ.

დღემდე პროექტის ფარგლებში ჩამოყალიბდა სამი ახალგაზრდული საბჭო, რომელიც 60-ზე მეტ ახალგაზრდას აერთიანებს. საბჭოს საქმიანობის ფარგლებში მონაწილეები გადამზადდნენ ახალგაზრდების მონაწილეობის, პროექტების წერისა და მართვის მიმართულებით. ასევე, დაიწყეს ადგილობრივ მუნიციპალიტეტთან მჭიდრო თანამშრომლობა ახალგაზრდების ინიციატივების გაცნობისა და მხარდაჭერისთვის.

„სიტყვებით რთულია იმ ემოციების გადმოცემა , რაც გერმანიაში სასწავლო ვიზიტის შემდეგ დამრჩა, ვიცი, რომ მივიღე უდიდესი გამოცდილება და ცოდნა , რაც დამეხმარება შემდგომ უფრო ეფექტურად ვიმუშაო , როგორც ახალგაზრდებთან ასევე ადგილობრივ თვითმართველობასთან . ამისთვის მადლობა World Vision საქართველოსა და ახალგაზრდულ სათათბიროს,” - განაცხადა ზუგდიდის ახალგაზრდული სათათბიროს თავმჯდომარემ ილია ფიფიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!