გურამ მაჭარაშვილი - კახა კუჭავას სურვილები და იდეები ჰქონდა რაღაც პროექტთან დაკავშირებით - ოპოზიცია ყოველთვის ეძებს ტრაგედიას, მაგრამ ეს ასე არ არის

ჯერ კიდევ წინა მოწვევის პარლამენტიდან კახა კუჭავა იყო კომიტეტის თავმჯდომარე საკმაოდ წარმატებულად და თავისი სურვილები და იდეები ჰქონდა რაღაც პროექტთან დაკავშირებით - მისი გადასაწყვეტია როდის გაამჟღავნებს, როდის გააკეთებს პრეზენტაციას და საზოგადოებას მიაწვდის ინფორმაციას ამასთან დაკავშირებით, - ამის შესახებ საპარლამენტო უმრავლესობის წევრმა გურამ მაჭარაშვილმა „პალიტრანიუსის“ გადაცემაში „360 გრადუსი“ კახა კუჭავას გადადგომის მიზეზებზე საუბრისას განაცხადა.

მისი თქმით, აღნიშნული ცვლილებით პოლიტიკური პროცესი არ დაზიანდება.

„ბუნებრივია, პარლამენტის თავმჯდომარეც ადამიანია, პოლიტიკოსია, მაგრამ ადამიანია, თავისი პროფესია უყვარს, თავისი ხედვები აქვს და ა.შ. როგორც ჩანს, ჩათვალა საჭიროდ და თავისი რესურსი უფრო მეტად დაინახა ახლა ამ მიმართულებით და გუნდთან კონსულტაციის საფუძველზე მიიღო ეს გადაწყვეტილება, რაც მიიღო.

ოპოზიცია ყოველთვის ეძებს რაღაც ტრაგედიას, უბედურებას, რომ როგორმე რაღაც უბედურება დაანახოს საზოგადოებას, მაგრამ ეს ასე არ არის. ამ ცვლილებით რა შეიძლება რომ მოხდეს ისეთი, რომ სადმე რამე დაზიანდეს? - არაფერი აბსოლუტურად. პროცესები ჩვეულებრივ გაგრძელდება”, - განაცხადა გურამ მაჭარაშვილმა.

შეგახსენებთ, საქართველოს პარლამენტის თავმჯდომარის პოსტი კახა კუჭავამ დატოვა. მისი განცხადებით, ის რჩება გუნდში და "ქართული ოცნების" პოლიტსაბჭოში. "ქართულმა ოცნებამ" პარლამენტის თავმჯდომარის პოსტზე შალვა პაპუაშვილი წარადგინა.

ამასთან, "ქართული ოცნების" თავმჯდომარის ირაკლი კობახიძის განცხადებით, კახა კუჭავა "იმუშავებს ძალიან მნიშვნელოვან სახელმწიფოებრივ პროექტზე", რის შესახებაც ინფორმაცია მოგვიანებით გახდება ცნობილი.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა