საპატრულო პოლიციის განცხადებით, საჯარიმო სადგომიდან ავტომობილის გაყვანის ნებართვის სერვისი უქმე დღეებში უწყვეტ რეჟიმში იქნება ხელმისაწვდომი

საპატრულო პოლიციის დეპარტამენტის განცხადებით, საჯარიმო სადგომიდან ავტომობილის გაყვანის ნებართვის სერვისი უქმე დღეებში უწყვეტ რეჟიმში იქნება ხელმისაწვდომი.

„შინაგან საქმეთა სამინისტროს საპატრულო პოლიციის დეპარტამენტის ერთიანი მომსახურების ცენტრი გაცნობებთ, რომ 2022 წლის 1 იანვრიდან 10 იანვრამდე, უქმე დღეების გამოცხადებასთან დაკავშირებით, ერთიანი მომსახურების თბილისის სერვისცენტრი არ იმუშავებს.

რაც შეეხება საჯარიმო სადგომიდან ავტომობილის გაყვანის ნებართვის სერვისს, აღნიშნული მომსახურება ხელმისაწვდომი იქნება უწყვეტ რეჟიმში, "112"-ის საჯარიმო სადგომზე, თბილისში (მისამართი: დიღომი, ბობ უოლშის ქუჩა, ყოფილი დიღმის საცდელი მეურნეობის ტერიტორია)“, - ნათქვამია გავრცელებულ განცხადებაში.