სალომე ზურაბიშვილი - ეროვნული თანხმობის პროცესში, საზოგადოებამ მთავარი ძრავის როლი უნდა შეასრულოს და პოლიტიკურ პარტიებს არ უნდა ელოდოს
საქართველოს პრეზიდენტის, სალომე ზურაბიშვილის შეფასებით, ეროვნული თანხმობის პროცესში, საზოგადოებამ მთავარი ძრავის როლი უნდა შეასრულოს და პოლიტიკურ პარტიებს არ უნდა ელოდოს.
როგორც მან ჟურნალისტებთან შეხვედრისას განაცხადა, ეროვნულ თანხმობასთან დაკავშირებით საკუთარი ხედვა აქვს, გეგმა კი საზოგადოებამ უნდა განახორციელოს.
„ისე ვიტყვით, თუ ასე, მაინც ვართ დაუსრულებელ, მაგრამ დემოკრატიულ ქვეყანაში. ეს ჩანს თუნდაც თქვენში. აუცილებელია, საზოგადოებამ ითამაშოს მთავარი ძრავის როლი და არ ელოდოს პოლიტიკურ პარტიებს. ინსტიტუციურად მდგრად ქვეყნებში, რომლებიც ძველი დემოკრატიები არიან, იქ შეიძლება საზოგადოება ენდოს ამ ინსტიტუტებს, თვითონ უფრო პასიურები იყვნენ, თუმცა იქაც არის დღეს პოლარიზაციის ნიშნები.
ჩვენ ამის ფუფუნება არ გვაქვს. უნდა ჩაერთოს საზოგადოება, თვითონ მიაღწიოს იმ შედეგებს, რასაც მიაღწევს. მართალია, ჩემი გეგმა არ უნდა განხორციელდეს, მე პროცესის ხედვა მაქვს, თუმცა, უნდა განხორციელდეს საზოგადოების გეგმა“, - აღნიშნავს პრეზიდენტი.
v-if="article.gallery" v-html="article.gallery"
