კელი დეგნანი რეზოლუციაზე - ეს უნდა იყოს ძლიერი რეზოლუცია, რომელიც აგზავნის ნათელ შეტყობინებას ევროპული უსაფრთხოების პრინციპების და უკრაინის მიმართ საქართველოს მხარდაჭერის შესახებ
პოზიციურად მიმაჩნია ის, რომ ტექსტზე მოლაპარაკებებს აწარმოებდა მმართველი პარტია და ოპოზიციური პარტიები, ვინაიდან ეს უნდა იყოს ძლიერი რეზოლუცია, რომელიც აგზავნის ნათელ შეტყობინებას ევროპული უსაფრთხოების პრინციპებისა და უკრაინის მიმართ საქართველოს მხარდაჭერის შესახებ ძალიან დაძაბულ მომენტში, - ამის შესახებ საქართველოში აშშ-ის ელჩმა კელი დეგნანმა განაცხადა.
მისი თქმით, საქართველო, უკრაინა, აშშ და ნატო-ს მოკავშირეები ევროპული უსაფრთხოების პრინციპების დაცვის კუთხით ერთიან პოზიციაზე დგანან.
„ეს არის დრო, როდესაც ჩვენ ვუგზავნით ერთიან ნათელ გზავნილს რუსეთს, რომ ჩვენ დავიცავთ ევროპული უსაფრთხოების პრინციპებს, რომელიც ევროპის უსაფრთხოებასა და კეთილდღეობას ინარჩუნებს ბოლო 30 წლის განმავლობაში. ასე რომ გზავნილი საქართველოსგან, უკრაინისგან, ნატო-ს მოკავშირეებისგან, აშშ-სგან არის საკმაოდ ნათელი, რომ ჩვენ ერთად ვიდგებით, დავუპირისპირდებით და გადავლახავთ კრიზისს, რომლის შექმნასაც რუსეთი აქ ცდილობს. ეს ნამდვილად არის კრიზისი, რომელსაც რუსეთი ქმნის,“ - აღნიშნა ელჩმა.
v-if="article.gallery" v-html="article.gallery"
