პარლამენტის თავმჯდომარე საუდის არაბეთის საგანგებო და სრულუფლებიან ელჩს შეხვდა

საქართველოს პარლამენტის თავმჯდომარე შალვა პაპუაშვილი საუდის არაბეთის სამეფოს საგანგებო და სრულუფლებიან ელჩს აბდულა ალ-მუტაირის შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, საუდის არაბეთის ელჩთან გამართულ შეხვედრაზე ორმხრივი ურთიერთობები მიმოიხილეს და საპარლამენტთაშორისო თანამშრომლობის გაღრმავებაზე იმსჯელეს.

ამასთან, აღინიშნა, რომ ორ ქვეყანას შორის სავაჭრო-ეკონომიკური და ტურისტული კავშირების, ინვესტიციებისა და ხალხთაშორისი ურთიერთობების გაზრდის დიდი პოტენციალი არსებობს. ხაზი გაესვა მაღალი დონის გაცვლითი ვიზიტებისა და შეხვედრების გააქტიურების მნიშვნელობას.

ელჩმა შალვა პაპუაშვილს საუდის არაბეთის სამეფოს შურა საბჭოს თავმჯდომარის მისალოცი წერილი გადასცა და საუდის არაბეთში ვიზიტით მიიწვია.