ბადრი ჯაფარიძე - სვენ მიქსერის ამოცანაა, სრული ინფორმაცია შეკრიბოს ქვეყანაში მიმდინარე მოვლენებზე, მმართველი პარტიის, ოპოზიციური პარტიების პოზიციები გაიგოს

სვენ მიქსერის ამოცანაა, შეკრიბოს სრული ინფორმაცია ქვეყანაში მიმდინარე მოვლენებზე - მმართველი პარტიის, ოპოზიციური პარტიების პოზიციები გაიგოს, სად არის პრობლემა, - ამის შესახებ "ლელოს" დეპუტატმა ბადრი ჯაფარიძემ ჟურნალისტებთან ევროპარლამენტში საქართველოს საკითხზე მომხსენებელთან სვენ მიქსერთან საპარლამენტო ოპოზიციის შეხვედრის დასრულების შემდეგ განაცხადა.

მისი თქმით, შეხვედრაზე ყველა პრობლემურ საკითხზე ისაუბრეს, მათ შორის საუბარი შეეხო უკრაინის მხარდამჭერ რეზოლუციასაც.

"შეხვედრაზე შევეხეთ იმას, რომ შარლ მიშელის დოკუმენტით გათვალისწინებული არც ერთი რეფორმა არ განხორციელებულა, ასევე საუბარი იყო რეზოლუციაზე, რომელიც მიღებული იყო ცალმხრივად „ქართული ოცნების“ მიერ, ამ შემთხვევაშიც არანაირი მცდელობა არ გვქონია მმართველი პარტიის მხრიდან კონსენსუსის მიღწევის და მივიღეთ რეზოლუცია, რომელსაც ოპიზიციამ მხარი ვერ დაუჭირა,"- განაცხადა ჯაფარიძემ.

ცნობისათვის, საქართველოს საკითხზე ევროპარლამენტის მომხსენებელი სვენ მიქსერი საკანონმდებლო ორგანოში საპარლამენტო ოპოზიციური ფრაქციებისა და პოლიტიკური ჯგუფების წარმომადგენლებს შეხვდა. მანამდე მიქსერი შეხვდა პარლამენტის თავმჯდომარე შალვა პაპუაშვილსაც. საპარლამენტო ოპოზიციასთან შეხვედრის შემდეგ კი, სვენ მიქსერს ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე მოუსმენენ. კომიტეტის დასრულების შემდეგ მიქსერი, სავარაუდოდ, მედიისთვისაც გააკეთებს კომენტარს.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა