გია ვოლსკი - ნებისმიერი ადამიანი ნებისმიერ სოფლის „ბირჟაზე" იტყვის იგივეს, რაც სააკაშვილმა თქვა

ვფიქრობ, "ნაცმოძრაობას" მართებს კონკრეტული წინადადებების წარმოდგენა, ვინაიდან ამას (სააკაშვილის წარმოდგენილ ხედვას) კონკრეტიკა აკლია - ნებისმიერი ადამიანი ნებისმიერ სოფლის "ბირჟაზე" იტყვის იგივეს, რაც სააკაშვილმა თქვა, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა, რითაც მიხეილ სააკაშვილის ეკონომიკური ხედვის ძირითად თეზისებს გამოეხმაურა.

მისივე თქმით, ეს ყველაფერი სიღრმისეული ინფორმაციის არმქონე ადამიანის დაწერილს ჰგავს.

„სააკაშვილი არ მგონია იცნობდეს საგადასახადო სისტემას, რომელიც მისი მმართველობის შემდეგ საერთოდ შეიცვალა და ძარცვიდან სახელმწიფო გადავიდა ბიზნესის ხელშეწყობაზე. არ მგონია მას ზედმიწევნით ინფორმაცია ჰქონდეს ან საერთოდ რაიმეს კითხვის, გაანალიზების უნარი გააჩნდეს. თუკი მართლა არიან ეკონომისტები მათ შორის, რომელიც ფრაქციაშიც ჰყავთ, მუშაობა უნდა იყოს ამ თემებზე და არა ის, რომ მუდმივად ისმოდეს მოთხოვნა, რომ სააკაშვილი საკნიდან უნდა გამოვიდეს. თუ რაიმე აქვთ, წარმოადგინონ", - განაცხადა ვოლსკიმ.

ის ასევე გამოეხმაურა მიხეილ სააკაშვილის განცხადებას, რომ მათ ადგილას, უკრაინას უსასყიდლოდ გადასცემდა „დიდგორს“ და ტყვიაწამლით დატვირთულ თვითმფრინავს.

„რასაკვირველია, ეს ბავშვური წამოძახება, რას იზამდა, რა ტყვია - წამალს გააგზავნიდა, არის ძალიან შორს იმ რეალობიდან, რაც დღეს მსოფლიოს ახასიათებს ამ გლობალური დაპირისპირების პირობებში“, - განაცხადა ვოლსკიმ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის