ადვოკატი - მსოფლიო ჩემპიონის ცემის ფაქტზე საქმის განხილვა გრძელდება, დაზარალებული სავარაუდოდ, ამ პროცესს არ დაესწრება, როგორც ჩანს, ეუხერხულება, რომ უგულავამ აეროპორტში სცემა

ბრალდების მხარე დაჟინებით ადასტურებს, რომ გიგი უგულავამ სცემა მსოფლიო ჩემპიონი, დაზარალებული წინა პროცესს არ დასწრებია და სავარაუდოდ ამ პროცესსაც არ დაესწრება, როგორც ჩანს, ეუხერხულება, რომ ის გიგი უგულავამ აეროპორტში სცემა, - ამის შესახებ გიგი უგულავას ადვოკატმა გიორგი გელხაურმა თბილისის საქალაქო სასამართლოში მისვლის შემდეგ, საერთაშორისო აეროპორტში მომხდარ ინციდენტთან დაკავშირებულ პროცესის დაწყებამდე განაცხადა.

მისივე ინფორმაციით, მათი მხრიდან საქმეში წარმოდგენილია დათვალიერების ოქმი, რომელიც ვიდეოჩანაწერების ნახვის შემდეგ შეადგინეს, თუმცა ვერ მოხდა ვიდეოჩანაწერების საქმეზე დართვა ვინაიდან, ნაკლებად მძიმე კატეგორიის დანაშაულებზე ჩანაწერების დართვა არ ხდება.

,,გრძელდება საქმის არსებითი განხილვა მსოფლიო ჩემპიონის ცემის ფაქტთან დაკავშირებით, ამ ეტაპზე ხდება ბრალდების მხარის მტკიცებულებების გამოკვლევა. ჩვენთვის უცნობია რომელ მოწმეებს წარმოადგენს ბრალდების მხარე, თუმცაღა დაჟინებით ადასტურებენ, რომ გიგი უგულავამ სცემა მსოფლიო ჩემპიონი. დაზარალებული წინა პროცესს არ დასწრებია და სავარაუდოდ, ამ პროცესსაც არ დაესწრება, როგორც ჩანს, ეუხერხულება, რომ ის გიგი უგულავამ სცემა აეროპორტში. საქმეში წარმოდგენილია დათვალიერების ოქმი მას შემდეგ რაც ვიდეოჩანაწერები ვნახეთ, თუმცა ვერ მოხდა ამ ჩანაწერების საქმეზე დართვა ვინაიდან, ნაკლებად მძიმე კატეგორიის დანაშაულებზე ჩანაწერების დართვა არ ხდება”, - აღნიშნა გიორგი გელხაურმა.