შალვა პაპუაშვილი გაერთიანებული სამეფოს პარლამენტის თემთა პალატის თავდაცვის კომიტეტის თავმჯდომარეს შეხვდა

პარლამენტის თავმჯდომარე შალვა პაპუაშვილი გაერთიანებული სამეფოს პარლამენტის თემთა პალატის თავდაცვის კომიტეტის თავმჯდომარეს, ტობაიას ელვუდსა და კომიტეტის წევრებს შეხვდა. ამის შესახებ „ინტერპრესნიუსს“ საქართველოს პარლამენტიდან აცნობეს.

მათი ინფორმაციით, შეხვედრაზე აღინიშნა, რომ საქართველოსა და გაერთიანებული სამეფოს ორმხრივ ურთიერთობებში განსაკუთრებული ადგილი უჭირავს თავდაცვისა და უსაფრთხოების სფეროებში თანამშრომლობას.

შალვა პაპუაშვილმა აღნიშნა, რომ წარმატებით მიმდინარეობს ორი ქვეყნის თავდაცვის სამინისტროებს შორის თანამშრომლობა და დიდი ბრიტანეთის თავდაცვის სამინისტროს მიერ მოვლინებულ მრჩეველს მნიშვნელოვანი წვლილი შეაქვს საქართველოს თავდაცვის სამინისტროს საქმიანობის გაუმჯობესებაში.

ასევე, ხაზი გაესვა ბრიტანული მხარის ჩართულობას საქართველოს კიბერუსაფრთხოების შესაძლებლობების განვითარებაში, კერძოდ კი, საქართველოს ეროვნული კიბერუსაფრთხოების სტრატეგიის შემუშავებაში.

პარლამენტის თავმჯდომარემ ევროატლანტიკური ინტეგრაციის გზაზე საქართველოს მიერ მიღწეულ პროგრესსა და განხორციელებულ რეფორმებზე ისაუბრა.

აღინიშნა, რომ რუსეთის დესტრუქციული პოლიტიკისა და მისგან მომდინარე საფრთხეების გათვალისწინებით, მნიშვნელოვანია უსაფრთხოების სექტორში ეფექტიანი თანამშრომლობის გაგრძელება.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“