ჩემი ინფორმაციით, ნეიტრალიტეტის თაობაზე საქართველოს ხელისუფლებას უკვე აქვს მიღებული გზავნილი რუსეთისგან - რუსეთმა დახურული ხაზებით ხელისუფლებაზე ზეწოლა უკვე დაიწყო, - აღნიშნული განცხადება პარლამენტში, ოპოზიციონერმა დეპუტატმა სალომე სამადაშვილმა გააკეთა.

სამადაშვილი "ქართულ ოცნებას" მიმართავს, რომ ახლა გადაბრალება და ერთმანეთის მიმართ თითის გაშვერა საჭირო არ არის.

"ახლა მნიშვნელოვანია საქართველოს ხელისუფლებამ ნათლად დააფიქსიროს, რაც კონსტიტუციაში წერია, რომ საქართველო ნატოს წევრი სახელმწიფო გახდება და ამ ჩანაწერის გადახედვას არავინ აპირებს.

გარდა ამისა, ჩვენ რამდენიმე თვის წინ პარლამენტს ქვეყნის ნატოში გაწევრიანების შესახებ რეზოლუციის პროექტი წარვუდგინეთ. მიმაჩნია, რომ აღნიშნული რეზოლუციის განხილვა და მიღება ნეიტრალიტეტის საკითხზე ხელისუფლების ყველაზე სწორი პასუხი იქნება", - განაცხადა სალომე სამადაშვილმა.