ბექა კობახიძე - რუსეთი რესურსების ნაწილში ლამის „დამკაში გავიდა“, რაც არ უნდა მეტი ახალწვეული გაიწვიონ, ადგილზე არანაირი ხელშესახები ეფექტი არ ექნებათ

რუსეთი რესურსების ნაწილში ლამის „დამკაში გავიდა“, რაც არ უნდა მეტი ახალწვეული გაიწვიონ, ადგილზე არანაირი ხელშესახები ეფექტი არ ექნებათ, - ამის შესახებ ექსპერტმა ბექა კობახიძემ "პალიტრანიუსის“ გადაცემაში „ნიუსრუმი“ განაცხადა.

მისივე განცხადებით, 15 წლის განმავლობაში ვლადიმერ პუტინი ზრდიდა ესკალაციას იმ იმედით, რომ დასავლეთი უკან დაიხევდა და ამ ვითარებაში კი პირველად მოხდა როდესაც, დასავლეთმა უკან არ დაიხია.

„არ მგონია რამე რესურსი ჰქონდეთ, რომ წინ წაიწიონ. ჯავშანტექნიკის მობილობის მიმართულებით არის სრული კრახი. ეკონომიკური რესურსების ნაწილში ვფიქრობ, კიდევ რამდენიმე თვე ეყოფა რუსეთს ყინჩად რომ იყოს, მას 200 მილიარდის შიდა რეზერვი ჰქონდა, რისი გაყინვაც დასავლეთმა ვერ მოახერხა. ახლა გვაქვს მდგომარეობა, როდესაც მძიმე არტილერიის და რაკეტების გარდა, არ დარჩათ არცერთი ინსტრუმენტი. მაგრამ, ამავდროულად არსებობს ბირთვული, ბიოლოგიური და ქიმიური იარაღის გამოყენების საფრთხე, რუსეთს სურს აქამდე მიიყვანოს საქმე, რადგან ომშია და მისი ეკონომიკა არ არის მზად ებრძოლოს დასავლეთის ეკონომიკას.

რუსეთის შეიარაღებული ძალები არ არიან მზად, რომ დაამარცხონ უკრაინის შეიარაღებული ძალები და ორივე შემთხვევაში არის არაუპირატეს მდგომარეობაში. მას უნდა გადავიდეს ისეთ ველზე, სადაც მინიმუმ თანაბარი ვითარება ექნება მოწინააღმდეგესთან. რუსეთის გარკვეული უპირატესობაა, რომ ის არის თავზეხელაღებული და დასავლეთი არის უფრო ფრთხილი, ესკალაციაზე გადასვლის ვითარებაში რუსეთ იმედოვნებს, რომ დასავლეთი უკან დაიხევს. მთელი 15 წელი პუტინი ზრდის ესკალაციას იმ იმედით, რომ დასავლეთი უკან დაიხევს და გამოდის გამარჯვებული, ამ ვითარებაში, პირველად მოხდა როდესაც დასავლეთმა უკან არ დაიხია“, - აღნიშნა ბექა კობახიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს