ალექსი არესტოვიჩის განცხადებით, რუსეთის მიერ ნატო-ს ბაზაზე იერიშის მიტანის შემთხვევაში „ომი რამდენიმე დღეში დასრულდება“
უკრაინის პრეზიდენტის ოფისის ხელმძღვანელის მრჩეველმა ალექსი არესტოვიჩმა რუსეთის მიერ ნატოს ბაზაზე იერიშის მიტანის შესაძლებლობა შეაფასა და აღნიშნა, რომ ასეთ შემთხვევაში ომი რამდენიმე დღეში დასრულდება.
არესტოვიჩს სთხოვეს შეეფასებინა ბრიტანეთის ყოფილი მაღალჩინოსნის მიერ გაკეთებული განცხადება იმის შესახებ, რომ პუტინმა შეიძლება ნატოს ბაზაზე დარტყმის ბრძანება გასცეს, რათა ხელი შეუშალოს უკრაინისთვის იარაღის მიწოდებას.
„დაე დაარტყას. ვფიქრობ, ამის შემდეგ ომი სამი დღის განმავლობაში გაგრძელდება“,- განაცხადა არესტოვიჩმა.
ცნობისთვის, ბრიტანეთის მთავრობის ყოფილმა პირველმა მრჩეველმა ეროვნული უსაფრთხოების საკითხებში პიტერ რიკეტსმა განაცხადა, რომ პუტინმა შესაძლოა განიხილოს ნატოს ბაზაზე თავდასხმა, უკრაინისთვის იარაღის მიწოდების შესაჩერებლად.
Defense Express-ის ანალიტიკოსმა სერხი ზგურეცმა კი განაცხადა, რომ უკრაინა ვერ გამორიცხავს რუსეთის დარტყმას ნატოს ქვეყნებიდან იარაღის მიწოდების მარშრუტებზე, მაგრამ მოსკოვმა ასევე უნდა გააცნობიეროს, რომ ეს გამოიწვევს ალიანსის პირდაპირ ჩართვას ომში.
v-if="article.gallery" v-html="article.gallery"
