აშშ-ს თავდაცვის მდივნის, ლოიდ ოსტინის განცხადებით, უკრაინის საჭიროებები იცვლება ბრძოლის ბუნების განვითარებასთან ერთად, რისი მიზეზიც, ნაწილობრივ, აქცენტის ქვეყნის აღმოსავლეთით გადატანაა.

„ყველაფერს ვაკეთებთ, რომ უკრაინას ისეთი სახის მხარდაჭერა, არტილერია და საბრძოლო მასალა მივაწოდოთ, რომლებიც ეფექტური იქნება ბრძოლის ამ ეტაპზე. ბრძოლის ამ ეტაპზე, უკრაინელებს სჭირდებათ შორ მანძილზე ცეცხლი“, - განაცხადა ოსტინმა პოლონეთ-უკრაინის საზღვართან ახლოს გამართულ პრესკონფერენციაზე, სადაც, აშშ-ის სახელმწიფო მდივანთან, ენტონი ბლინკენთან ერთად, უკრაინაში ვიზიტის შედეგები შეაჯამა.

„ნახეთ, რას ვაკეთებთ აქ პრეზიდენტის მიერ 800 მილიონი დოლარის ავტორიზაციის შედეგად, რომელიც საშუალებას გვაძლევს მივაწოდოთ 155 ჰაუბიცა, ასობით ათასი საარტილერიო ჭურვი,”- აღნიშნა ოსტინმა.

მისი თქმით, დაინახა "მინიშნებები", რომ ბევრი ქვეყანა აპირებს უკრაინას დამატებითი საბრძოლო მასალა და ჰაუბიცები მიაწოდოს.

„ასე რომ, ჩვენ ვაპირებთ მაქსიმალურად ძლიერად ვიმოქმედოთ, რაც შეიძლება სწრაფად, რათა მივიღოთ ის, რაც მათ სჭირდებათ, ”- აღნიშნა ლოიდ ოსტინმა.