ვოლოდიმირ ზელენსკი - „ლენდ-ლიზი" და უკრაინის მხარდამჭერი სხვა პროგრამები არის კონკრეტული მტკიცებულება იმის, რომ თავისუფლებას ჯერ კიდევ შეუძლია, ტირანიისგან თავი დაიცვას
„ლენდ-ლიზი" და უკრაინის მხარდამჭერი სხვა პროგრამები არის კონკრეტული მტკიცებულება იმის, რომ თავისუფლებას ჯერ კიდევ შეუძლია, ტირანიისგან თავი დაიცვას, - ასე გამოეხმაურა მორიგ ვიდეომიმართვაში უკრაინის პრეზიდენტი ვოლოდიმირ ზელენსკი, აშშ-ის კონგრესის მიერ ე.წ. ლენდ ლიზის აქტის მიღებას.
პრეზიდენტი ზელენსკი, აღნიშნული აქტის მიღების გამო, აშშ-ის პრეზიდენტ ჯო ბაიდენს მადლობას უხდის.
„მე მადლობელი ვარ შეერთებული შტატების, პრეზიდენტი ბაიდენისა და კონგრესის, ცნობილი "ლენდ-ლიზის" პროგრამის ანალოგისთვის, რომელიც რუსეთისა და რუსი დამპყრობლების წინააღმდეგ ბრძოლაში ძალიან დაგვეხმარება, რაც მეორე მსოფლიო ომის დროს, ნაცისტების წინააღმდეგ ბრძოლაში დაეხმარა. დარწმუნებული ვარ, "ლენდ-ლიზი" ახლა უკრაინას და მთელ თავისუფალ სამყაროს დაეხმარება, რომ ნაცისტების იდეოლოგიური მემკვიდრეები დაამარცხონ, რომელთაც ჩვენს მიწაზე ომი დაიწყეს. "ლენდ-ლიზი" და უკრაინის მხარდამჭერი სხვა პროგრამები არის კონკრეტული მტკიცებულება იმის, რომ თავისუფლებას ჯერ კიდევ შეუძლია, ტირანიისგან თავი დაიცვას", - განაცხადა ზელენსკიმ.
შეგახსენებთ, 28 აპრილს, აშშ-ის კონგრესმა ე.წ. ლენდ-ლიზის აქტი მიიღო, რომელიც პრეზიდენტ ბაიდენს უფრო ფართო უფლებამოსილებას მისცემს, რათა უკრაინას დაეხმაროს.
v-if="article.gallery" v-html="article.gallery"
