CNN - ჯო ბაიდენმა უსაფრთხოების საკითხებში მაღალჩინოსნებს მოსთხოვა, შეწყდეს სადაზვერვო ინფორმაციის გაჟონვა, რომლებიც უკრაინას ეხება
აშშ-ის პრეზიდენტმა ჯო ბაიდენმა უსაფრთხოების საკითხებში მაღალჩინოსნებს განუცხადა, რომ უნდა შეწყდეს ინფორმაციის გაჟონვა, რომელიც უკავშირდება უკრაინასთან ამერიკის სადაზვერვო მონაცემების გაცვლის საკითხს. ამის შესახებ CNN-ი წყაროზე დაყრდნობით იუწყება.
მისივე ცნობით, გასულ კვირას, მას შემდეგ, რაც თეთრმა სახლმა უარყო პირდაპირი სადაზვერვო ინფორმაციის მიწოდება უკრაინისთვის „რუსი გენერლების მკვლელობის განზრახვის შესახებ“, ბაიდენი ცალკე ესაუბრა თავდაცვის მდივან ლოიდ ოსტინს, ცენტრალური სადაზვერვო სამმართველოს დირექტორს უილიამ ბერნსს და ეროვნული დაზვერვის დირექტორს ავრილ ჰაინსს.
წყაროს ინფორმაციით, პრეზიდენტმა მათ უთხრა, რომ იმ ინფორმაციის გამოქვეყნება, რომელსაც აშშ უზიარებდა უკრაინას, უნდა შეწყდეს.
ბაიდენის გზავნილი ეროვნული უსაფრთხოების მაღალჩინოსნებისთვის პირველად NBC News-მა გაავრცელა.
v-if="article.gallery" v-html="article.gallery"
